KENÊ PÊÇAYΠ

Û HENASENE  AZAD

 Ezîz Xemcivîn

BÊDENGIYA RAZEYAN

Bi hêz û zorê

şax ji daran dikevin,

lat û kevir radibin,

girêk vedibin.

lê hêza gotinê

gotinên cîhanê tev d ,

bêdengiya razeyên min

nabire..

naxîne..

naşkîne.

EZ Û GUL

Berî bişkivînê,

min…

ewji darê xwest.

 gava vebû..

bê dozkirina  

mafê xwe mam.

 Çimkî

zimanê min

şikest.

AWIR

şevbuhêrka  evîndaran

digel stêran.

 xumxuma ava çeman,

agirê di dilê pembû de,

 rewrewka havînê,

keskesora buharê,

 di kêlîka evîniyê de,

wek van teva ye

 awira dîlbera min.

VÊXISTIN

Heger te,

çirak,

mûmek,

an kuftikek

vêxist.

bi pifekê

tên vemirandin.

Lê ko te,

dilek

vêxist..

ne ba,

ne bahoz,

ne bablîska dunyayê tevde,

ewî na vemirînin.

RASTÎ

 Bi rastî,

tucarî.

min  

ji xwe re

nekiriye kar.

 ko berê ba bidim xwe…

yan bi hev re,

em li yek asoyî bifirin.

lewra..

li gora

giroverbûna qalikê min.

ew,

min li ber xwe dibe.

EVÎN

 Hêvî.. 

mizgînî..

li benda we me,

va buhar hat û çû.

ziman girtî ma,

û demsal hat guhertin.

xame rizgar nebû,

û pertûk wek xwe ma,

cirîda peyvan rawestiya.

lê gava mija li ser.

 [a-b]eya dil.

hino… hino.

hate hilanîn.

li şûna wê  çar tîp man,

navê te ji wana diyar bû,

E-V-Î-N…

JIYANÊ

 Bera tu xewnbî;

xewneke  xweş…!!

 bera tu leylan bî;

leylaneke  zelal...!!

 bera  tu  hewrbî;

hewrekî  giran…!!

 ez  dizanim, 

ewr û leylan 

bi hev re nayên!?

 Lê jiyana min,

 xewna xweş, 

şînbûna çavên te.

asmanekî vedigre

û hêsrên te,

hewrekî avis  

bi xunavî,

bi  

ser 

rewanê  

min  

dibarîne.

NAYÊ

 Ji gulê

bihn tê;

bi bihnê  

gul nayê..!!

 ji dil  

xwîn tê;

bi xwînê  

dil nayê..!!

 ji dîtina yarê

hêvî tê;

Bi hêviyê

yar nayê!!

HEVDÎTINA ME

 Li şeveke bi tirs;

li ber peravê

deryayeke pirs..

omîda min

rawestiyaye.

 lewra  

omîda min,

 hevdîtina me,

wê wek  

hevdîtina.

rokê û zemînê be.

KÊFERAT

 Şeva dawî  

ji   sermê,

zarokekî  

rengîn çê bû…!!

 germeba  

û

sermeba,

li wê buharê

bi hev ketin.!!

 bîst û yekê avdarê bû,

newroz hat,

destê xwe li wana pêça.

 sermeba û germeba

hembêzkirin…!!

DÛRBÛN

 Heger tu dûrbî

dûrbûna stêran;

zîzbûna şevê  

ez dê te bibînim.

 heger tu dûrbî

dûrbûna rokê;

sipîdeyê

ez dê te bibînim!!

 Û heger  

tu dûrbî

dûrbûna welêt;

roja azadiyê

ez dê te bibînim.

BÊ NAVNÎŞAN

 Çi bi serê te hatiye?

Çi bi serê te hatiye?

ne erd

hejyaye!!?

ne asman

çiryaye!!?

 ne çav girtîne; 

ne dil rawestiyaye!!?

tev ko,

sînorê te bê ziman e;

û asmanê te

bê sermiyan e;

perperîk

li buhara te

serfiraz in.

DERKETIN

 Heger heyv

ji benda rokê

derkeve;

ji roniyê

bê par dimîne!?

Heger masî

ji avê derkeve;

ji jînê  

bê par dimîne !?

û 

heger dilê min

ji tora te derkeve,

”xemcivîn”

ji nivîsandinê  

bê par dimîne!.

OMÎDA MIN

 Ji dilê min

derket

jîneke bê sînor;

 li wê jînê

ket

zindaneke teng;

 li wê zindanê

derbasî tariyeke

bêdawî bû,

 li wê tariya bê dawî

hîn û hîn

ez lê digerim.

DURVÊ MIN

 Li pertûka jînê

ez çend peyvên

jibîrkirî me…!!??

 li nav devê destar

ez  çend libên  

hêrayî me…!!??

 Heger

jibîrkirina jînê

û hêrana destêr

bi hev bête guhartin;

 hûnê

durvê min

binasin.

WÊNEYA TE

 Wêneya te

li ber

çavê min bû;

du

raman hatin;

yekê

xwe kir"perwaz"

ya din

xwe kir"bizmar"

û

gava xatir xwestin,

wêneya te jî

hino… hino

bi dû wana de

meşiya

DERDO

 Heger te

sînorê

bêzariya min zanîba;

tê tora xwe veçiranda

û dergehê zindanê

bişikanda!!??

 tê heyv biguhasta

û alav vêxistana!!??

 hingî wê rewanên me

pêrgî hev bihatana

û paseport hemî

ji germa hevdîtinê

bişewityana.

YARÊ

Hezkirina te

pirtir

ji agir û tînê

min disojîne!!??

pirtir

ji peyketinê,

zindan û lêdanê

min dêşîne!!??

û

pirtir

ji avê,

ba

û rokê  

min divejîne !!??

KELANDIN

Biryara te

helbesta min dîlkir.

peyv hatin, 

raperîn … raperîn..!!

pênûsê

bi hêrs di nava  

hevokên jihevketî de

tevgerkir..!!

li ser tihnê

asoyê hişê min

bi melyonan tîp civandin…

birûsk û tav çêbûn

ji sînga asman heya bi erdê

azadî .. azadî..

vedan.

XERÎBIYÊ

Gava bi çavê girtî,

te ez dîtim.

bi guhê ker

te guhdarîkir,

û

bi sînga sar

te ez hembêzkirim,

Êdî min

kirasê xewna jibîrkirî

li xwe pêça,

û ji hêrsa asmanê te yî har

min xwe da bin

sîwana bagerê .

PÊŞMERGE

Evîna te hembêzkir;

jibîrkir

ko dilê wî ne hejyaye!!??

Buxçika te hilgirt;

jibîrkir

ko gepa nanê wî ziwaye !!??

Û

Hêsrên te paqijkir;

Lê jibîr nekir 

ko kela wî

ji tihna wa ye  !

 1989 -1994