Daxuyanî

Salvegera bîranîna roja çapmeniya kurdî, di siya guhertin û dihevdeketinên cîhanî û herêmî, homaniya kelîja çaran navnîşana pêşhatî jê re ye .

Ew kelîja ku pêlên ezmanê azad meydana wê ye. Heke ji layê nûçan ve, an jî ji layê şirove û nerînên cuda ve .  ji xwe ev serbestiya medya, ezmanê kurdan tijî kiriye, lê mixabin tu paşmayî û bandor di helkewta kurdî li Sûriyê ya çapmeniyê nehiştiye. Çimkî hêzên kurdî heta roja îroj hîn dîla çend rûpelên zerin, nûçe û babetên wan bûhirî û xavin, bê şirovekirineke bîrwerî ne.

Mirov dikare bêje ku ew rûpel sînorkirîne bi hêzên pûçkirinê ya ku hewsingin bi hêzên pûçkirinê yên be'esiyan. Ji xwe ne berfirehiya intirnêtê ba, wê meydana çapmeniya kurdî li Sûriyê, tenê bi wan rûpelên bê tam beheta xemilandin.

Bîranîna salvegerê navnîşana nîrxandinêye, ne rûbareke pesindariyê ye, nemaze pesindariya kevintirîn rojname û demsaliya wê. Lewma divêt em ji dema bûhirî derkevin û têkevin hemdemiyê, ji ber ku proje û pîlanên mejiyê Be'es ya şovînî bi rengekî nûjin dixwaze bişaftina netewa me bike. Wisa jî em dibêjin îroj roja bersivdana pirsên helkewtê ne, yên berjewendiya kurdên vî parçî ji kurdistanê ew tine holê. Ew jî pirin, ji wan çawa emê karibin li himber guhertinên tên,  bi van rûpelên xav bisekinin? Gelo sêyaseta çapmeniya me di pêşeroj de wê çawa be û wê çi amûr jê re gerekbin?   .

Em di şepêla pêşeroj a kurdî li Sûriyê dibînin ku salveger, keysek ji bo  nîrxandinê ye, heta ku ev nîrxandin tuj be jî, lê belê bingeheke taybet e, ji bo ku em karibin mejiyek rojnamevan peyda bikin û pê re sêyasetek çapmenî sivîl û şareza bînin holê, dernewek be ji helkewta kurdî û hewsing be bi ezmanê azad û vekirî yê ku divêt di pêşeroj de em têde bijîn .

Qamişlo 22/4/2005

Şepêla pêşeroj a kurdî li Sûriyê

HEVGIRTINA REWŞENBÎRÊN KURDÊN ROJAVA LI DERVE