VEXWENDNAME “Rojnivîska Dînekî” li Stockholmê


Lîstika bi kurdî ya Teatra Avesta “Rojnivîska Dînekî” piştî tûrneya Bakûr û Başûrê Kurdistanê niha jî li Stockholmê ye.


Lîstika Gogol a bi navê “Rojnivîska Dînekî” ku ji aliyê Aydin Orak ve li kurdî hatiye wergerandin û tê lîstin, di 12ê nîsanê de dê li Stockholmê bê lîstin.

Lîstika ku ji aliyê Cîhan Şan ve tê birêvebirin û ji aliyê Aydin Orak ve tê lîstin, di 12ê nîsanê de saet di 18.00 de li Stockholmê Şaredariya Sollentunayê dê bê pêşkêşkirin.

Aydin Orak di vê lîstika ku wergerandiye kurdî de travmaya psîkolojîk a karmendekî û tevlîheviyên jiyana wî ya trajî-komîk dilîze.


Rapêşiya Şanoya Teatra Avesta ya bi navê “Rojnivîska Dînekî” ji aliyê Komeleya Ziman Çand Huner û Wêjeya Kurd (Perkurd) û saziya perwerdeyê ya Swêdê ABFê ve tê organîzekirin.


Bi beşdarbûna we em ê dilxweş û şa bibin. Bi xêr bên.

Li gel rêz û silavan.
Rêveberiya PERKURDê


Têbinî: Ji bo temaşekirina şanoyê ketina hundir bê bilêt ango bê pere ye û ji herkesekî re vekirî ye.



Cîh: Aniaraplatsen 2 (Sollentuna Huvudbibliotek)

Dem: 12 nîsan 2008 şemî

Saet: 18.00

Organîzasyon: Perkurd – ABF

Têkilî: perkurd@amidakurd.com
076 30 79 551