Rêbaza yekem - Kongire 1

RÊBAZA HUNDIRÎN A HEVGIRTINA REWŞENBÎRÊN KURDÊN ROJAVA LI DERVE

 NAV:

HEVGIRTINA REWŞENBÎRÊN KURDÊN ROJAVA LI DERVE

  ENDAM:

Her kesê ku bi huner, wêje û ragihandinê mijûl dibe, dikare bibe endamê Hevgirtinê.

 ARMANCÊN HEVGIRTINÊ:

    1- Di derbarê hemû rûdanên li dijî gelê kurd helwestên bêlayane distêne.

    2- Di warê rojnamevanî û masmedyayî de bi rolên çalak dirabe.

    3- Hemû rengên hevgirtin û piştgirtinê dide rewşenbîrên kurd ên Rojavayê Kurdistanê.

    4- Avakirina têkiliyan bi dezgehên kurdî û beyanî re, bi awayên giştî û demokratî.

    5- Kar ji bo parastina çand û wêjeya kurdî.

    6- Azadiya peyvê û derbirînê pişt rast dike.

    7-  Li gor derfeta derxistina kovarekê bi navê dezgehê.

    8- Damezrandina dezgehên weşanê.

    9- Bi çalakiyên çandî, wêjeyî û hunerî dirabe.

 MERCÊN ENDAMETIYÊ:

 1. Gerek e endam ji kurdên Rojavayê Kurdistanê be. Rewşenbîrên kurd ên ji beşên dîtir jî û rewşenbîrên sûrî yên ji neteweyên din û rewşenbîrên biyanî, wek endamên rêzgirtinê tên pejirandin.

 2. Gerek e endam baweriya xwe bi armancên Hevgirtinê bîne û rêbaza hundirîn a Hevgirtinê bipejirîne û ji riya prensîp û çemkên rêbazê der nekeve.

 3. Gerek e endam di warên dahênan, afirandin, huner û ragihandinê de berhmedar û çalak be. Endametiya wî piştî erêkirina komîteya taybet tê pejirandin.

 4. Endamê Hevgirtinê dikare endamê dezgeheke din ji dezgehên rewşenbîrî be.

 5. Endamê ku daxwaza wî ya endametiyê neyê pejirandin, nikare berî salek ji wê tarîxê ve derbas bibe dîsa doza endametiyê bike.

 MERCÊN KU ENDAM JI ENDAMETIYÊ TÊ AVÊTIN:

1. Eger endamek tiştekî bêrêz li hemberî armanc û Rêbaza Hundirîn bike.

2. Eger endam endametiya xwe ji bo tiştine dîtir bi kar bîne.

3. Eger pişka xwe ya salane nede.

4. Kesên ku ji endametiyê werin avêtin û kesên ku daxwazên wan ên endametiyê neyên pejirandin, dikarin li dijî biryara Komîteya Kargêr rawestin û giliyê xwe bigihînin Kongreya Giştî. Biryara dawî ya kongreyê ye.

5. Endam bi biryara komîteya Kargêr ji endameyiyê tê avêtin.

 KOMÎTEYÊN HEVGIRTINÊ:

1. Kongreya Giştî.

2. Komîteya Kargêr.

3. Komîteyên Taybet.

4. Komîteya Piştgir.

5. Komîteya Çavdêr.

6. Komîteya Rawêj.

 KONGREYA GIŞTÎ:

1. Kongreya Giştî her sal carekê li dar dikeve.

2. Eger 51% ji endamên Hevgirtinê amade bibin, Kongre wek kongreyeke rewa tê pejirandin.

3. Eger 51% ji endaman amade nebin, kongre sê mehan gîro dibe. Û careke din vexwendina Kongreyê dûbare dibe. Eger dîsa ew rêje pêk nehat kongre bi jimara endamên peşdar li dar dikeve.

4. Kongreya Giştî ji hemî endamên Hevgirtinê yên ku pereyên endametiya xwe dane, pêk tê.

5. Kongreya Gişta di Hevgirtinê de desthilata herî bilind e, ew dikare biryaran di derbarê her tiştî ji bo çalakirina xebatê û pêkanîna armancan bide, erkên kongreyê yên taybetmend jî ev in:

a. Pêşniyazên pêwist ji boyî pêkanîna armancan.

b. Biryardayîna derbarê rêbaza hundirîn.

c. Hilbijartina komîteya Kargêr.

 KOMÎTEYA KARGÊR:

KOMÎTEYA KARGÊR  JI HEFT ENDAMÊN BINGEHÎN Û DU ENDAMÊN CÎGIR PÊK TÊ. EW DI KONGREYÊ DE TÊN HILBIJARTIN.

 ERKÊN KOMÎTEYA KARGÊR:

1. Pêkanîna biryarên Kongreya Giştî.

2. Biryardayîn derbarê daxwaznameyên endametiyê.

3. Pêkanîna çalakiyên ku armancên Hevgirtinê teqez dikin.

4. Li darxistina civînan, bi kêmanî her sê mehan carekê û çavdêriya weşanên Hevgirtinê.

5. Bi rêvebirina kar û barên Hevgirtinê û hewldana pêkanîna armanc û mebest û biryarên Kongreya Giştî.

 SEROK:

1. Serokê Hevgirtinê ji aliyê Komîteya Kargêr ve tê hilbijartin.

2. Nûneriya Hevgirtinê dike, bi navê Hevgirtinê dipeyive, çavdêriya kar û barê komîteya Kargêr û hemî çalakiyên hevgirtinê, dike.

3. Raporta xwe ya salane pêşkêşî Kongreya Gişrî dike.

4. Dema ku bi awayekî tekûz bi karê xwe ranebe, bi piraniya dengan ji aliyê Komîteya kargêr ve ji serokatiyê tê avêtin.

 ÇAVKANIYÊN MEWDANÎ YÊN HEVGIRTINÊ:

1. Nirxên xwesteka endametiyê, ew jî 25 Euro ne bo her endamekî.

2. Nirxên endametiya salane, ew jî 50 Euro ne.

3. Qezencên ji weşanên Hevgirtinê.

4. Alîkarî û pişgiriya ku ji aliyê kesayetî, dezgeh, saziyên kurd û yên navnetewî tên pêşkêş kirin, bi mercê ku bi şêweyekî eşkere û ronak werin dayîn.

 HIN XALÊN DIN:

1. Komîteya Kargêr biryarê dide, ka Hevgirtinê bi awakî fermî li ku bi cih dike û dinivîsîne.

2. Komîteya Kargêr biryara plan û bernameya çalakiyên Hevgirtinê dide.

3. Dema ku hevgirtin nemîne, hemî mal û mewdanê, bi biryara Kongreya Giştî, ji bo saziyekê ku bi heman armancan bawer dike, tên veguheztin.

 Sandviken 08-10. 10. 2004