Qilçixa
Qado
Şêrîn
Cara
yekemîn bû ko sê keçên kurd, Narîn, Şêrîn
û Gulav li hevûdu
dirûnin û gift û goya wêjeya kurdî dikin, di
dema axaftinên keçên
kurd li ser modêlên cil û mekyaj û zêran e,
ew li ser wêjeya kurdî
axifîn.
Narînê pirsî: Hûn rewşa helbesta kurdî çawa
dibînin?
Gulavê: Helbesta kilasîk bi çûna Cegerxwîn re bin
ax bû û ya nûjen
jî li nivîskarê xwe digere..
Şêrînê pirsî: Hûn dikarin bibêjin serokên
partiyan çawa û çilo dibin
nivîskar û rê li ber berhemên nivîskaran
digirin.?
Narînê bi ken û tinaz got: We kovara “Yek Dest” a
partiya “Ma ka
ew roja kurd li Sûriyê” diye û xwendiye..?
Şêrînê û Gulavê bi hevûdu re gotin ku
wan ne tenê nexwendine
belê hîn nedîtine jî, da ji Narîn xwestin ku
naveroka wê ji wan re
bide xuyanî kirin.
Narînê got: Ez ê bibêjim lê hûn ê ken û tinazên
xwe bihêlin dawî
da em bi hevûdu re bikenin:
Li şûna pêşgotinê Serokê Giştî yê
partiya ”Ma ka ew roja kurd li
Sûriyê” kurtejiyana xwe nivîsandî ye “Ez
di sala berfa giran de ji
diya xwe bûm, temenê min bû 15 sal (11) hevalkên
min hebûn, ez
pir xweşik û lihevhatî bûm jiber vê yekê
ez bi navê Kazanova
dihatim bi nav kirin. Min komeleya Xoybûn
damezirand û yekem
çapxane min derbasî Kurdistanê kir, civata yekîtiya
xortên kurd û
yekîtiya jinên kurd jî min damezirandin û yekîtiya
nivîskaran jî,
belê yekem partî di nav kurdên Sûriyayê de
min çêkir, ez di
kongireya yekîtiya tevgera kurd li kurdistanê
amade bûm û kesek
wek min neaxifî, gelek caran ez bûme nûnerê
partiya çep, sê caran
ez çûme hevdîtina Berzaniyê nemir û 14 caran
ez çûme
Japonyayê, ji xwe Çîlî û Filestînê nayên
jimartin, min di şewata
sînemeya Amûdê de 29 zarok ji mirinê rêzgar
kirin, wisa jî di
Zindana Hisiçayê de ez pêhlewanek bûm, yekem
kovar di
kurdistanê de min weşandiye, ez karim bibêjim
ku Xweda ez ji
kurdan re mîna diyariyekê şandime””.
Di
rûpela 11ê de Serokê Giştî namekê ji dostekî
xwe re dişîne, bi
helkeftina rojbûyîna wî û di rûpela 12ê de
nameyekê ji dostekî
xwe re dişîne, ev dost jina xwe piştî
23ê salan û 11e rojan û 7
sa’etan berdide, da Serokê Giştî nameyekê
jê re dişîne û tê de
dinivîse “Delalo tu ne yê pêşî yî û
helbet tu ne yê dawî yî jî ku jina
xwe berdidî, ev di ola me ya musilmanan de gelekî
asa û normal e
û tu dikarî sibê yeke dî bîne, min ji te re 4
dîne, xema zarokan jî
mexwe, tu dikarî wan bişînî şoreşê
yan Çîliyê yan jî Filestînê”.
Di
rûpela 17ê de Serokê Giştî nameyekê ji RÊZAN
XISRO re dişîne,
Rêzan Xisro jî endamê komîta navendî ye di
prtiya welat parêzên
kurdistan a hevbenda partiya “Ma ka ew roja kurd
il Sûriyê” wî
diranê xwe yê aqila rakiriye lê pir êş û
xem û werm diye da Serokê
Giştî namekê bi vê helkeftinê jê re dişîne
û hêviya tendurustiyeke
baştir jê re dixwaze.
Di rûpela 22ê de hatiye nivîsandin ku mirovekî
Nikaragwayî ev sê
roj in xwe dixurîne lê têhna wî naşike û
derman û bijîşk jî bi xura
wî nikarin da Serokê Giştî nameyek bi vî
rengî jê re şandiye “Ez
33ê salî bûm eynî xura te ez girtim, min tu çare
jê re nedît ji bilî ku
gerek min xwe di nav heriya axa sor û hinê de biçanda””.
Di rûpela 27ê de Serokê Giştî nameyekê bi vî
rengî ji hevalê xwe
Hiso endamê komîta navendî ya eynî partiyê re
dişîne “Wek ku ez
dizanim, gerek tu jî dev sehekî bikî taku nexweşiya
sehê har ji te
here, yan jî tu yê bibî seh û nema dikarî werî
nav me û civînan
amade bibî; ger tu wisa nekî”.
Nameya dî ya ku Serokê Giştî bi rê kiribû, ji
jineke kurd re bû, 13e
keçên wê hene, di dema ku gerek kurek jê re
biba ber avêt,
Serokê Giştî nameyekê jê re dişîne
û dinivîse: “Xwedê mezin,
comerd e û dilovan e, bila bahweriya te bi Xweda
pir be, xêra wî
bê dawî ye”.
Di nameya dawî de ku di rûpela 66ê de belav bûbû bi
helkeftina
şerê di navbera sehên du gundan de bû,
Serokê Giştî nameyekê bi
vî rengî ji herdû gundan re dişîne ”Ez
vê yekê şermezar dikim û
rast û durust nabînin, ev gelaciya Emerîkayê
ye û divê nêzîk ne dûr
aştî û biratî bikeve nav sehên we”.
Bû tiq-tiqa Şêrîn û Gulavê û bi hevûdu re
gotin: Ev çi serok û merok
in bavo… lê Narînê kenê wan rawestand û got:
Û dibin her
nameyekê de jî wisa hatiye nivîsandin: Şîşa
Tenûrê
Serokê Giştî Yê partiya Ma ka ew roja kurd li Sûriyê!
Careke dî bû tiq-tiqa wan û bi hevûdu re gotin: Em
li ser modêlên
cil û mekyaj û zêran biaxifin baştir e ku
em li ser wêjeya serokên
wisa ezok û nexweş biaxifin.
Qado
Şêrîn, 25.04.2001-HOLLAND
