Bi xêr hat in,
Gelî têkoşerên hêja û xebatkarên di ber azadiyê de, silavên germ bo we.
Bi qehremaniyek bêhempe, win beşdarî dîlana qamişlokiyan bûn. We hişt ku, serhildana 12ê avdara 2004an, bibê girîngtirîn xal û bibê rûpelekî nirxdar di pêvajoya xebat û têkoşîna gelê kurd de; li rojavayî kurdistanê.
Di vê serhildana pîroz de, nifşekî ji hevalên we, ên nemir û pakrewan; canê xwe kirin gorî miletê xwe. Win jî, we rojên dirêj di girtîgehên rêjîma Bees de, bûrand in.
Bêguman, win bûn leheng û pêşmergeyên vê bûyera mezin. Ya ku pê, hîmên rêjîmê hejiyan û hişt ber bi mafê gelê we werê. Hişt hebûna gelê kurd di sûriyê de; werê çesipandin.
Niha, we azadiya xwe bi serbilindî bi dest xwe xisti ye û we zindan ji xudanê wê re hişti ye. Sed pîroz be bi vê vegera we. Gelekî bi xêr win vedigerin cih û warên xwe, li nav dost û hevalên xwe bi dilşadî û hezkirin himbêz dibin.
Her bijîn; li ser riya azadiyê û xebatê.

2005-04-05
Birayê we ji Elmaniya:
Nivîskar: Welîd Murad

Girtiyên 12ê Avdarê yên serbilind û xoştivî, win bûn pirwk û rêçek ji gelê xwe re; we gorûgirista gelê xwe bi 50î salî li pêş xist ; we girêka tirsê ji hindir dilê bizdonekan qetand; win bûn darçikê ku babeta kurd, di hundirê sûriyê de li pêşxist û çelqand; her û her serê miletê we bi we bilind e; navê we li serê rûpelê qehremanan di dîrokê de hate nivîsandin, navên we yên li ser zimanê her ciwanekî ji pê we rabe [Ger tu neşewitî yan ez neşewitim ma em ê ji ku  rêya gelê xwe şewl bidin] divê her kesek wek we 2 teştan ji hundirê xwe bavêje [tirsê û ezîtiyê û divê merov jî zanibe ku kîjan rojê be yê bimre ,car bila mirina mêran bi mêranî be, win her û her hebin û rêya gelê xwe ronî bidin

Şêrgelê kurd

Erê Ey Girtiyên Serhildana 12ê Avdarê hûn bi xêr hatin
Erê ey Pakrewanên Serhildanê bi anahiya Xwedê dê ciyê we buheşt be
Erê ey Birîndarê Serhildanê ji devên birînên we kevokên azadiyê berbi
Asîmanê Kurdistanê ve firiyan.
Di devên birînên we de em dê qeftên beybûn û binefşan biçînin.
Bi qêrînên we di kolanan de, bi nalenala we ya mîna şêrên birîndar di
girtîgeh û zindanên Xwînmij û Diktatoran de, bi dilopên Xwîna we ya pîroz,
çirawîskên azadî û serxwebûna Kurdistanê pêketin.
Pîroz be ev serbestberdan
Bijî serhildana 12ê Avdarê
Bijî kurd û kurdistan
Bijî yekîtiya gelê kurd.
- Komela Kaniya.Sipî a Rewþenbîrî û Civakî. Elmanya 02.04.05

- Serhan Îsa (Helbestvan)

Gelo tenê pîrozkirina azadiya van qehremanan têra dana wan dike?
aya bi peyvan mirov dikarê, mezinahiya dilê wan qehremanan bo welat û miletê
wan, mafê wan bide?! Aya çi derbirîn, dikare êsh û azariyên wan ji bîra wan
bibe?
Tenê welat û milet bi wan gesh dibe
Rûsîptayî her bo wan qehremanên hêja ye û zindîbûn ber hertishtî ya shehîdên
serhildana 12ê Avdarê ye û rûreshî ya dijmin û nehezên miletê kurd e, ku bi
xwe dijminê gelê kurd, dijminê jiyanê ne.

Helbestvanê Kurd: Tengezarê Marînî
 

pîroz be qehremanên azadiyê
  pîroz be qehremanên serhildnê

Em gelekî kêfxweş in bi derketina we ji zindanê
û bi vegera we nav malbat û miletê xwe.
hêvîdarim hûn ti carî doza xwe ji bîr nekin û hûn
bibin kelemek di çavê dijminê xwe de. Careke din
pîroz be û hezar rehmet li şehîdên serhildanê
û şehîdên kurd û kurdisatnê bin, bijî û herbijîn.

    Celal Misto. Swêd, uppsala
 

Hûn tev bi xêr hatin nav dilên me, girtiyên ku ji bo standina tîrêja royê,
di tariya sheva me ya dirêj da hatine destegîrkirin... Birînên li rûyêd we
lêdanên shûrê neyar in di cenga azadiyê da...


Li gel silavan
Cankurd
www.kdps.org

 

Pîroz be...pîroz be ey qehremanên 12 avdarê..

Pîrozbahiyin germ pêşkêşî we hemiyan dikim, pêşkêşî malbatên we, dayikên we û gelê we dikin. We yek bi yek maç û hemêz dikim. We bi qehremaniya xwe dasîtana 12 avdarê di dîroka gelê mede bi cih kir, we azadiya me nêzîk kir. Em bi we serbilind û serfirazin, her wisa hemû gelê kurd bi we serbilind û serfiraz e..bila ew rêjîma diktator bizanibe ko ta ên wek we hebin ew ê têr xew û azad nebin, belê nêzîk hun ê azad bibin û ew ê bimînin li ber deriyê zindanan.

Ey girtiyên azadiyê: serbest berdana we pîroz be. Hin we, hin şehîdên nemir û hin jî birîndarên serîhildana 12 avdarê azadiya me, serxwebûna me kurdan nêzîk kir…

Roj bi roj azadiya me bi qehremaniya we nêzîk dibe..

Bijî 12 avdarê

Qado Şêrîn-Nivîskar(Holenda)

 
Gelî Qehremanan!

Îro hûn bI tîrêjên ala Kurdistanê dixemilin û kevokên azadiyê ji çavên we difirin.

Em we himbêz dikin û hemû sînoran  bi cegerdariya we derbas dikin.

Bila îro konên pîrozbahî û pêşwaziya we bibin konên Mîrên Cizîra Botan, îro hûn mîrên vê dozê, vê axê û vê evînê ne.

em we himbêz dikin û spasiya we dikin ku we rêçên xebatê ji boyî nifşan vekirin.

Kemanjenê Kurd

Stêr Kurdaxî

KEVOKÊN AZADIYÊ

 Serhildana we  û serfrazya we pîroz be, we dilê xwe yê mezin bi sipîbûna periyan AZADA ŞÊRÎN himbêz kir, bijî Şehîd û niştiman û kurdistan,

bijî QamiŞlo

bijî kurd  û  Kurdistan

Karikaturistê kurd

 Mihemed Seyda

PÎROZ BE QAMISHLOKÊ

Kêlîkine dijwar bûn. Bi sedan dayik û bav xwe ji boyî pêşwaziya girtiyên xwe amade dikin; girtiyên ku vedigerin malên xwe, nav xizm û karên xwe. Qehremanên ku bi cegerdarî û bi hemî hêza xwe serîhildana Qamishloyê li dar xistin û bi hemî hebûna xwe ji boyî kurdan têkosşiyan.

Bi hezaran ji Kurdên Rojava beşdarî pêşwaziya qehremanan bûn. Zemawendek e cemawerî bû. Li ser riya Amûdê li hev kom bûn û bi dengê def û zurneyê re berên xwe dane konên qehremanan.

Çavên Qamishloyê bi dîtina qeheremanên wê şa bûn. Dîtina girtiyên serîhildanê, serîhildana ku bi dehan şehîd û bi sedan birîndar û bi hezran girtî li pey xwe hiştinn. Îro qehremanên Qamishloyê vedigerin, Qamishloyê jî zemawendekê ku hêjayî bejna wan be ji wan re li dar dixîne.

Îro li esmanê Qamisşloyê nermebayeke buharî li ba dibe, bîna buharê ya ku ji gupîtkên çiyê dihereke û bîna indeko û zersosinan pêrgî lîlandinên kêfê dibin daku gulwazan ji qeheremanên Kurdistanê re çêbikin.

Li van wêneyan binerin û evîna xelkê bo qehremanan û qehremaniyê bixwînin.

Pîroz be bo hemî kurdan..

Pîroz be bo dayikên lehengan...

Bo xwishk û jinên qehremanan..

Pîroz be bo Kurdan û bo qehremanên Rojavayiyan..