Birayên ezîz û hêja ,
Pêwîstiya hevgirtinekê rewşenbîrî li derveyî welêt , pir giring bû ji bo alîkirin û pêşvebirina rewşa ziman , wêje û hunera kurdî , ta çi redeyê vê hevgirtinê , xwe gihandiye armancên pîroz ? berseva vê pirsê , wê di hola karên cidî û piraktîk de diyar bibe .
Hevgirtina Kurdên Rojava , li derveyî welaêt , nîşaneke ji vejandina ronakbîriya Kurdî re , ku intelektol û inteleginsya Kurd bi roleke ber bi çav rabe , û li nav qada navnetewî dest bi kar û xebatekê dijwar bike , û ronahîyê bîne ser rewşa vî alîyê welat ku ber bi jibîkirinê ve diçû , lê birîna boyerên 12 adara xwînlî , sekaratên mirinê ji ser Başûr-Rojava hilanîn û li şûna wan sekeratan , tovên hêz û berxwedaneke aramî û aştîyane çandin .
Eger hûn destûrê bidine min , ku vê pêşinyara xwe bidim :
Hêviya min ji vê Hevgirtinê ewe , ku zimanê dil û zimanê aqil û zimanê dev , bi yek gotinê bang bikin , ku Kurdistan bi her çar alîyên xwe ve warê Kurda ye , her weha hêvîya min ewe ku gotinên we , yên li pişt menberan û yên li pişt kewalîsan yekbin , biryar û nerînên we babetî û bê alî bin , da ku ronahîya vê xebata we , bigihêje taristana li ser rewşenbîrên welêt .
Bi hêvîme ku ev Hevgirtina we , di pêvajoya xwe de , her serketî be û di pêşerojê de , ne tenê hevgirtin be , belê Lobîyeke dilêr be , di xizmeta netewa gelê Kurd de .
Ji bo kongereya we pêşveçûn û serketinê dixwazim ...
Bimînin di xêr û xweşîyê de … di gel rêz û silavên gerim

Xuşka we

Bêwar Brahîm

Qamişlo

14 / 04 / 2007