“Tevgera wergerandinê piroja herî girînge bo pêşveçûna rewşenbîrî”
 

Pîr Rustem:

“Tevgera wergerandinê piroja herî girînge bo pêşveçûna rewşenbîrî”

Bi beşdarîyeke rewşenbîrî û sîyasî li baxça kombenda Kawa û li dirêjahîya çalakîyên Kombendê yê rewşenbîrî di hefteya rewşenbîrî ya netewî de, li gor pirograma hefteyê ev roj ku sêyemîn roje ji hefteya rewşenbîrî taybet bo rewşenbîrên Rojavayî Kurdistanê bû herdu berêzan Çêroknivîs “Pîr Rustem” û Rewşenbîr “Şêrzad Seîd” li ser rola reşenbîrî û rewşenbîran li rojavayî Kurdistan rawestîn.

Çîroknivîs û rewşenbîr Pîr Rustem babetek bi navê “Dîroka Rewşenbîrîya Kurdî li Başûrî Rojavayî Kurdistanê” pêşkêş kir. Herweha berêz Şêrzad Seîd lêkolînek li ser jiyana rewşenbîrî û rola Kombenda Kawa li Sûrîyayê û Libnanê .

Li derveyî çarçêweyî semînarê (Peyamnêr) hevdîtineke taybet bi Çîroknivîs Pîr Rustem re pêk hanî.

Despêkê Berêz Pîr Rustem bo beşdarîya wî li hefteya Rewşenbîrî û Netewî ji me weha got: “ Berî her tiştî ez Ajansa Peyamnêr pîroz dikim û serkeftinê û berdewamîyê jê re daxwazdikim, Beşdarîya me li Başûrî Kurdistanê bo vê çalakîyê ew bû ku me daxwaz dikir em rewşenbîrên çar alîyên Kurdistanê bighin hev û dengên xwe jî bighînin hev”

Sebaret bi naveroka babeta xwe yê bi navê (Dîroka Rewşenbîrîya Kurdî li Başûrî Rojavayî Kurdistanê ) berêz Pîr Rustem weha got: “ Bi rastî di babetê xwe de min xwest ez ronahîyê bidim ser xebata Malbata Bedirxan û despêka tevgera rewşenbîrîya Kurdî li Başûrî Rojavayî Kurdistan û ta roja îro, despêkêka wê bi derçûna kovara “Hawar” bû ku Mîr Celadet Bedirxan bi rêvedibir”

Li dirêjahîya axaftina xwe de berêz Pîr Rustem jiyana rewşenbîrîya Rojavayî Kurdistan di sê qonxên serekî de nirxand û despêka wê yan qonaxa yekemîn bi peydakirina Elfebaya Kurdî di kovara “Hawar” 1932a despêdike, piştre qonaxa duyemîn bi navê “Qonaxa dagîrkirina partîtîyê ji rewşenbîrîyê re” yan jî “Qonaxa vemrandina rewşenbîrîya Kurdî” bi navkir û piştî wê qonaxa sêyemî dihêt ew jî bi hatina kovara “Gulistan” bi destê Helbestvan Cegerxwîn sala 1968a de despêdike û ta roja îro.

Pîr di şîrovekirina babeta xwede navê gelek rewşenbîran anî ziman wek; Kamîran Alî Bedirxan, Qedrî Can, Osman Sebrî û Helestvan Cegerxwîn û gelekên dîtir ku di warê çand û rewşenbîrî yên cûr becûr de kardikin weke Çîrok, Helbest, “Gotar û Lêkolîn” û “Ferheng û Rastnivîsa”.

Li dawîya axaftina xwe Pîr Rustem bal kişand ser tevgera wegerandinê û girêngîya wê û weha got: “Heger em bixwazin rewşenbîrîyeke xurt avabikin divê em berê xwe bidin berve wergerandinê, ji ber ku, tevgera wergerandinê piroja herî girînge bo pêşveçûna rewşenbîrî, herweha divê wergerandineke pisporî û akadîmîk be herweha dê bihêle bingeha herî mezin ji tore û wêjeya kurdî re çêbibe”.

HEVGIRTINA REWŞENBÎRÊN KURDÊN ROJAVA LI DERVE