|
Mirov bi xwendin û bidestxistina agahiyan mezin
û gewre dibe , deryên nû û asoyên fereh li pêş
bîreweriya zanistî tevlî ked û bizava mirovan wê
hişmendiyê dewlmend dike , sûde di her hizrekî
xemxwer û bîr û boçûnekî de heye , heger hemî li
ser hev bêne komkirin , wê çareserî ji
gengaşiyên civakî û siyasî re werin dîtin , bi
kêmtirîn zirar û kurtirîn rê emê encamekî qenc
bi destxînin .
Nimûne di vê serdema meya îroyîn de ku gelek
derfet peyde bûne û cobarên wergirtina
zanyariyan bi leztirîn kat tên e ber destê me ,
rola her mirovekî heye da ku vê delîveya nû ya
cihangêr têxîne bin baskê berjewenda kes û
miletê xwe de , mînak ji wana ( kenalên
Televizyon , malperên Enternet , mobail û …..h,d)
ji layekî ve ew dibin cihê pênasîn û xwedî
lêderketina li doza xwe , çi xelkê biyanî û çi
bi miletê xwe , ya dinê sûdekariya ji
infermesyonên gerdûnî û ezmûnên miletên biyan ka
çawa karîne di warê ragihandinê de doza miletê
xwe li pêşxînin .
Lê xuyaye tu tiştê me kurdan wekî yê xelkê nîne
, helwesta me vajî yasa û qanûn ye .
Em hemî di wê baweriyê dene ku xebata me ya
kurdî ( siyasî , olî , civakî ) di nava
tevlîheviyê de perçiqîye , lê ev nayê wê wateyê
ku em bi herdû lingên xwe bi kîn û dijberiyê
têxin zikê doz û xebata vî meletê ber bi omîd ,
ew kesên bejna xwe ji çiyayê Cûdî bilintir
dibînin û xwe dixin xwedyê welat û milet ( ji
nivîskar û rewşenbîr û kesên serbixwe ) û hemû
kedê berûvajî dikin bi bihaneya ( cihê wan di
nava rêza civaka nezan de nîne ) . lê kekê min
qey hûn ji ezmanan daketine , yan jê wekî
serhatiya zaroka di dawa bavê de rûniştî û mûyê
riha wî kişandî hatiye serê we ?
Mixabin malperên kurdî bê sansûrin û lîsa wan
tuneye , bi ser de tu saziyên me yên dadwerî
serbixwe û pesindkirî ji layê fermî ve nînin ta
ku dozê vekin li wan kesên ku heqaretê li nûner
û kesayetên kurd dikin , me bive û neve ew
serkirdeyên niha em wan dibînin , bi xebata
xweve ne kêmî mezinên me yên dîrokî mîna ( Şêx
se-îd , Qazî , Barzanî , Şêx Mehmûd , Seyid riza
û…..) ne .
Dîsa mixabin ew kesên zimandirêjiyê dikin heta
di xameya xwe ya lewlebaz de jî qels û kêmin ,
hevokên wan li dijî hevin , zimanê wan wekî wan
xwar û çewte , heger dilê wan bi milet û welatê
wan ve be , pêwiste rexneyên wêrek û dilsoz ji
bonî pêşvebirina xebatê bikin , ronakbîrên
cîhanê dibin mûm û pêşiya çavkoran ronî dikin ,
çima rewşenbîrên me wekî çilê çilêyan ji roniyê
direvin , dive ew neku xwe di mala xwede kerr
bikin yan jî li goşekî welatê biyaniyan
parsekîyê bikin û yan di bin per û baskê rijîmên
dagirker de xwe veşêrin . ma çi cudahî di
navbera wan û dijim de heye , ji berê ber de
gotine : teyr başe bi refê xwere be , yê ne li
govendê xweş reqase , heger giyanê fedekariyê li
rex wan ( zanyaran ) peyde nabe , heme bikêmanî
ew kesên berê xwe didin şer û zindan û bi serê
çiyan ve dihelperikin , xîret û namûsa wan bi
sed qatî ji revok û lewlebazan bi rûmetire ,
heme her çawa be hîn wan navê kurdîniyê wekî
revokan ji ser kevelê xwe ne avêtine .
Lê xuyaye ku em kurd di her demî de li dijî
derfet û ezmûnan derdikevin , ew giyanê ezîtiyê
û wendabûna kesayeta karizmî di hinavê me de
diqiçqiçe , çi di serdema olî de û çi di serdema
sosyal , nijad û gilobalîzmê de , heme bi tenê
nikilê me di nava çavê hev de dimîne û nêçîr ji
meydanê tête revandin .
melevanresul@hotmail.com
|
