|
Mijara me her çêndî dubare dibe , lê di warê
hişyariyê de dimîne divê em ji hev bipisin :
gelo çima destê kiçik di ser destê mezin re ye ?
Kesên bawermend jî dizanin Qur-an ê gotiye : (
فذّكر انما الذّكرى تنفع المؤمنين
)
Heger sûde di vê gotinê de tune be , em li ser
giringiya wê nedirawestan .
Li ber cava ye pîlan û metirsîna li derdorê
hebûna me çiqas xwe pivdide û digirnijîne , bi
rûkî tenîgirtî dinanê xwe di sîqin û berê xwe
didin tunekirina netewên me , heta çîk di wan
de hebe ew li dabelandina navê miletan digerin
da temenê rijîmê dirj bibe , bi hemî alav û
desgihên xweve êrîşkar li hev dikin û agir ji
devê wan dibare , di hemî biwaran re derfetên
windakirina me ji dest xwe bernadin , her
carekî bi rengekî li qizincên deskeftî mikur tên
û li daqurtandina digerin , ji hêlekî ve rijîmên
desthilatdar di kurdistanê de miletê me di hemî
astande tunedikin û ji hêla din ve agirê nava
civakê gur û geş dikin , hem di nava miletê
kurd de û hem di nava miletê kurd û çînên civakî
yên fereregez û ferenetew di bin sîwana welat de
, da êş û birînên civakî kurtir bibin û
dijminahiya nava miletên bi salên dûvdirêj dijîn
, da li hev mikur werin ,bi vê pîlanê karibin
kîn û nifreta dîrokî navbera wan de biafirînin ,
heger em miletên niştîcihên vî welatî ne
hişyarbin wê giyanê tolvedan û kînkêşê di mejyê
nifşên paşerojê de bigere û yasaya civakî li bin
guhê hev bikeve .
Heger em bala xwe bidin kiryarên rijîmê , wê
biveka ji agir li ber çavan xuyabe , bi taybet
di herêmên kurdan de , yên bi miletên ferenetew
re dijîn mîna Asûrî , Suryanî , Ereb , Ermenî û
…h.d . ji rexê dî ve li nakokiya olî digere ,
Sine , Elewî ,Şî-e , Dirzî , Xiristiyanî , Êzîdî
. nemaze destekdana ji kêmenetew û kêmeol re ,
em di wê baweriyê dene ku rijîm ne li aramiya
civakê digere û dilovaniyê li milet dike , rijîm
ji xwe pêve ji tu kesî hes nake , ne pûte bi
milet heye û ne bi olê heye , mixabin hinek bi
wan qizincên bê encam serxweş dibin û dahola
rijîmê diqutin û xwe li ber hiltavêjin , belkî
ew îro qizincekî ji rijîmê dikin , û bê hişyarî
dikevin leystoka rijîmê bi agir dileyîzin .
Pêdivîye miletên hevbeş bi mere di welat de
bizanin ku em kurd nakişin pîlana rijîmê û
tucarî berdevkiya kesî nakin , emê her hebin û
banga biratiya li rex û doran bikin , ew kesên
bi saza rijîmê dilxweş dibin , yan (netêgihiştî)
ne û yan ji rijîmê wêdetirin , ma ew nizanin
ku hevîrê îro tê stirhan wê gelek avê bikşîne ,
bila dîrok xwe dubare neke , heger em bi ser
hişê xwe ve newin wê demek were em poşman bibin
, dema ku poşmanî nebe dermanê birînên kûr .
melevanresul@hotmail.com
|
