|
Serpêhatiya
çavnebaran her bi şêweyên kirêt li rûdide ,
nemaze heger ew ji xwe bi şik bin , wekî çîroka
Eyşika li xwe bişik , ji sedemê aloziya têre
derbas dibin , yek jê ramanê teng yê
nijadperstiyê û ya din çavkaniya hişmend ya
fêrbûn û perwedeya ezîtiyê ji çavkaniya
azolekirina her coreyên hevgirtî di yasabûna
civakê de jê vedixwin , ji berikê ber de li pey
wê şopê birêdikevin , nemaze heger ew kesên
beramber jîrek û pêkhatîbin . çîroka bajarê
Amûda Bavê Mihemed ne bûyereke xwezayî bû , em
hemî dizanin rola vî bajarî di hildana ramanê
niştimanî de û her weha pileya pir bilind ji
ronakbîr û xwendevanên tevlî xebata
welatperweriyê û rewşenbîriyê çiqas hebûn , evê
hêla neyarê miltê kurd li navkil û tihêla xwe
bide da bilez wê mûma geş hîn di çirîska pêşîn
de vemirîne .
Herger em îro di
bîranîna serpêhatiya şewata agirê AMÛDê re
dibûrin û çavê me li agir û dûyê seranserî
welatê me dayî ber xwe nevekin ? wê waneya di
bîra mede bi têra bersivê neke , ew şêweyên
nemirovane ya ku li ser nifşê paşeroja Amûdê
pêkhatî , îro bi deh qatî agirek bi rimî dibe
hilorî û hemû çînên civaka kurd dipişêfin . ew
şêwyên kilasîk di tunekirina hêviya miletê kurd
belkî awira xelkê mirovane bi ser wan de bikşîne
, ji lew îro rêbazên moderin û pêşketî bi
kartînin , bê ku bala kesî bi ser wan de here ,
civak û payên bilind çavan jêre digrin .
Li ber çavan xuyaye
rêbazên dijminê mirovahiyê li seranserî welatê
me , bi hemû derfetê di destê xwe de û bi
alîkariya teknîka pêşketî , li dij hebûna miletê
me bikartînin .
Heger rijîma Sedam
Kîmyabarana kurdistanê kir û Toraniyan mezra
pêxemberan kavilkirin , lê îro miletê me di
Enfalek bênavkirî re dibûre . Naxwe ne ji xweve
êş û belayên tenduristiyê di heremê kurdan de
belav dibin , her weha wêranî , tazîbûn ,
birçîbûn û koçberkirin ji bo çine ?.
Pêwiste hemî sazî û
desgih , rêxistin û partiyên kurd xwe di ser
nakokiyan re bavêjin û berê xwe bidin xebatek
hevbeş û bi ramanên rojgarî doza miletê xwe bi
pêşve bidin û rê ji şewatên hîn ji şewata AMÛDê
geştir û berferehtir bi ser gel kurd de newe .
13/11/2008
|
