shevchira@rojava.net 

Darbesta Sersalê

Ehmedê Huseynî

Bi darbesta min nekene û pêjnên xwe ji reşgirêdana darên welatê min re şîrove neke, xwe bi ser bêrîkirina xwe de bikuje, evîna xwe ji gulebaranê birevîne û darbesta min jî li ber baranê bihêle!
De ji çavên bendemanê bibarin ey sersalên ziman şikestî!
Dem diherike û dilê me di mijê de dixwe.
Êş diherike û xewna me bi guliyên xwe dixeniqîne. Ne masiyên te, ne bêdengiya te, ne toza te û ne jî sirûdên te zeft dibin.
Ne axa te, ne qûma te, ne hembêzkirina te û ne jî rondik û cengên te sar dibin.

Dîya Welat di navbera Qndîl û Miştenûr de

Salih Cefer

Dîsa berbangekê ji berbangên deşta Sirûcê bi qîrînî dest pê kir, qîrînî û qîreqîr, lê ne wek qîrînên ku cîran fêrbibûn bibihîsin, ew ne hawar bû, ne qîrîna jenke ji ber lêxistina mêrê xwe bû, ne qîrîna jineke ji ber anîna zarokekî bû, qîrîn qîrîna şêreke diltiji li hember dijmin û neyaran bû.

li bendê me

Kamran Simo Hedilî

biqasî deryayê giriyam
bi rondikên min
aşê ’’dostan’’ geriya
aso dûr
û
ez bi tenê me
xeyal parçe parçe ne
û diherikin wêrekiyên rizî
çiyayê zayîna vînê
bi kefamista xwe
çavên biharê venekir
û bêhna xwîna şil
ji kulîlkan dûr nekir
stêra sibê

Dem

Evîn Şikakî

Dem
Ne bi min re bû
Dema tu
di bin
Pencera
Dilê min re
Derbas dibû yî
Welê jî
Ez mezin bûm
çil rojên
Bi kul
Û pênc buharên bi nêrgiz û
Bîst û pênc
Helbestên
Evînî

Çûkê reşî toretan li berf û zivistan

Xemgînê Xanî

Roja berfê ez çûme nav bistan
Mindî çûkekî reşî toretan
Ez pêr xeber didam çend xeberê kurt
Ji ber çi te çiya berda tu hatiye vir
Wa çûkê minî reşî toretan
Îro tu hatî ji welatê kurdistan
Ma ji ber çi te pazda û tu revî
Te berdan rihêl û dar û devî
Te berdan çiya û bax û bistan
Tû hatî vê beriya bê av û bê nan
Te hiştin gul û rîhan û sinbil
Tu hatî vê çola bi quncir û bi gilgil
Li vir nîne ji tere ne cih û ne ware

Dijmin û hewldanên wî

Azer OsÎ
 

Di dawiyê de û berî cejna Qurbanê Artêşa Tirkiyê bi balafiran baragehên Hêzên parastina gel û gundên başûrê Kurdistanê bombardûman kirin û di encam de 5 gerîlayan û hin jinên kurd li başûrê kurdistanê jiyana xwe ji dest dan û pir malên kurdan hatin hilweşandin.Tirkiya di vê demê de dîn û har bûye, ji ber pir destkeftiyên Kurdan çêbûne û bi taybet li başûrê Kurdistanê û fîdralîzma Komara Îraqê û wekî din destkeftiyjinên Kurd. Ev êrîş ne

BUHIRÎ

Dildar ismail

Di ber min re buhirî
Min nizanî bû ew kî ye
Yar e an ar e
Buhar zivistanê winda dike
Sal salê pûç dike
Sorbûna rengê gulê xwe geş dike
Bi şûnve dihêle rengê hemî gulan
Buhirî ..nizanim xewn e
An xewneroj e …..
Germ dibe li min can
Hinav tên guvaştin
Xwîn tarî dibe
Li ber roniya buhara nûjen

Perwazên ronahiyê

Ehmedê Huseynî

Perwazên ronahiyê, li wir, li ser gupîtkên xewnê, di sawa welatekî bêxew de, wek kefenekî ji mijê, vegire! Û ji mirinê re çîrokên nîvçe yên jiyanê, ji şevê re rûreşiya bêpayan a rojê, ji welatan re çurîskên germ ên xwînê, ji sînoran re gazinên hîveronê û ji dilê min re barana reşgirêdanê bibêje!

Nameyek

 ji evîndarê demê re

Ronî Elî


Eger bixwazî,
Di heyamên rojeke tazî de
Di pêngavên arazûyeke girgîn de
Bişkokan
Ji ser,
Memikên arîn û lerizî
Rahêjî
An,
Ramûsanan
Li ber,
Sîbera sîdareya evînê

kî bû....?

Silêman Azer

Kê...?
hilma te
hingavte xwîna min...?
û dilê min diyarî mûmdanê
peresetgehên azariyên te kir..?
tiliyên gurbûnên te
dirêjî şewatên min kirin..
kabokên silbûnên min,
xiya kirin,