Ji elmanî: Ebdulrehman Efîf

Paul Celan1.

Porê te na

Dest tije seet, wilo tu hatî cem min- ez ştexilîm:

Porê te ne qehwerengî ye.

Wilo te ew hilda sivik ser mêzêna êşê, li wir ew girantir bû ji min...

Ew bi keştiyan têne ba te, bi porê te ditijînin, û wî difiroşin li sûkên dilbijînan-

Tu di kûraniyê de bi min re dikenî, ez digirîm bo te di kefa mêzênê de, a sivik dimîne.

Ez digirîm: Porê te ne qehwerengî ye,  ew ava derya didin, û tu keziyan didî wan...

Tu dipistî: ew dinyayê bi min dadigirin, û ez ji te re valarêyek di dil de dimînim!

Tu dibêjî: pellê daran têxe ber xwe – dem e, tu bêyî û min bimaçînî!

Pellê salan qehwerengî ye, porê te na.

Spîndar

Sipîndarê, pellê te spî li tariyê ditemaşe.

Porê dêya min spînebûbû yekcarî.

Beybûnê, Ukrainê wilo kesk e.

Dêya min î porzer venegeriya malê.

Ewrê baranê, tu dikevî erênayê li cem bîran?

Dêya min î bêdeng digirî ji herkesî re.

Stêrka girover, tu kevana zêrîn digerînî.

Dilê dêya min ji risasê birînbû.

Deriyê berû, kê te ji çengelan hilda?

Dêya min î nazik nikare bê.
 

-----------------------------------------------------------------------------------------------------------------------