KAMÎRAN HACO



Yek bi yek
Bi stran
Çûn.
Bi dîlan
Li þopa têkoþeriya gerdenazayî
Di sorayiya asiwanî de
Li roava
Wek sorgula
Ku ji xunava
spêdê
rû hatibe bestin,
di bin xavika rojê de
pê re rawstîn
ne zivirîn êdî li þopa xwe
çûn
bê bihîstin.
„Rojen Barnas-li bendava spêde”

Erê çûn, yek bi yek di riya azadî û serbestiya gelê xwe de, û dê her herin jî lê dimêne ko em wan jibîr nekin wan di hiþ û dilê milet de zindû bikin, ji ber ko ew nirxên meyî neteweyî ne, ew dîroka me ne, ew lehengên ko di rojên tarî de mûmên umîda miletekî bê dost, bindest û þikestî vêxistin, ew çira hêviyên bêhêviyan bûn..
Mihemedê Fexrî jî da pey hevalên xweyî gorbihuþt, wî bêriya wan kiribû û dixwest ko mizgîniya rakirina ala Kurdistanê li Baþûrê welêt bigihîna wan û wan dilniya bike ko aso ron e..!!
Di roja 21.01.2005 an de dilê kurdperwerê hêja M.Fexrî rawestiya , ew dilê tijî evîna Kurd û Kurdistanê, tijî evîna mirovayetiyê..Bi salan vî dilê mezin kul, êþ û azarên miletê xwe û zordariyên jiyanê ragirtin û li ber xwe da, lê her tiþt di guhertina bê dawî de ye û mixabin jiyana bê mirin nabe..
Gorbihuþt di sala 1923an de hatiye dinyayê û bi koka xwe ji Licê ye ko li Bakurê Kurdistanê dikeve, lê jiyana xwe li Rojavayê Kurdistanê derbas kiriye..Pirsa miletê wî ji mêj ve jê re bû pirsa sereke di jiyana wî de û ji bo vê yekê di sala 1954an de bû endamê Partiya Komonîst a Sûrî..Wî (li gor ko ji min re gotî) çareseriya pirsa kurdî di riya vê partiyê de didît, lê belê pir dom nekir ko baweriya wî hate guhertin ji ber ko wan ji partiya xwe xwest ko bi zimanê kurdî belavokên xwe binivîsin, lê partiya komonîst ev yek ne pejirand..Ev bûyer bû sedemê veqetandina wî û gelek endamên Kurd yên din ji partiya komonîst. Paþê wî û Cegerxwîn, mele þêxmûsê Qerqatî û mele þêxmûsê þêxî û hine din partiya Azadî di sala 1956an de ava kirin û di bin diruþma ”mafên netwî ji gelê Kurd li Sûrya” xebata xwe bi rê ve dibirin..Li gor rehmetiyê M.Fexrî (ko ji min re gotî) di benda 11an de ji programê partiya Azadî hatibû ko ”Em amade ne ko bi timamî tevlî partiyeke kurdî bibin gava ko piraniya endamên partiya me vê yekê bipejirînin”. Loma di pey damezrandina Partî Dêmokrat Kurd li Sûrî di sala 1957an de, M.Fexrî û hevalên xwe biryar dan ko tevlî partî bibin, û di 1958an de ev yek pêk hat..Rehmetî wî çaxî bû endamê (mentiqiya) partî li Qamiþlo..Di 13ê tebaxa 1960î de gelek ji endmên partî hatine girtin, lê M.Fexrî xwe neda dest û bazdayî ma..Rewþa partî ya rêxistinî kete metirsiyê de lê wî û hevalên xwe, bi xebateke zor û di mercên aloz de, partî li ser piya hiþtin..Di nakokiyên pey girtinê de ko di nava partî de peyda bûn, M.Fexrî xwe neda tu aliyan û di parçebûna yekem ya di nava partî de ko di 1965an de pêk hat, ew nebû hevalê tu aliyan, ji ber ko ew bawer bû ko parçebûn kurdan lawaz dike û pêwistiya wan bi yekîtiyê heye..
Pey beyana 11ê adarê 1970, çep û rast xwestin ko PDKI alîkariya wan bike ji bo lihevhatin û yekîtiya wan. Ji bo vê yekê (qiyada merhelî) ji herdû aliyan ,bi serokatiya Dihamê Mîro ava bû . Di wî wextî de M.Fexrî, Kenèanê ègîd, Ebdilê mele Elî, Xalid Meþayix û Mecîdê Haco weke komîteke þêwirdariyê (heyeta istiþarî) hatine bijartin ji bo alîkariyê û çavdêriyê..
Di sala 1973an de hate girtin û ta sala 1982an de , ji bo doza miletê xwe di zindanê de ma..Di pey ko hate berdan tevlî tu rêxistina nebû , lê ma li ser rêça Barzaniyê nemir ta roja dawî ji jiyana xwe..
Gorbihuþt mirovekî zana, civat xweþ, nefis piçûk û hazir cewab bû..Pir bi rihetî têkilî bi mirovan re ava dikirn û dikete dilên wan..Di karê xweyî kurdayetiyê de, leþkerekî nenas bû û ji xwe nepixandinê û pesindanê hez nedikir..Wî zanibû ko kêþa kurdayetiyê giran e, û mal û can dive bibe qurbanê vê riyê, loma jiyana xwe bi xizanî derbas kir..Hemî kul û derdên dinyayê lê dibarîn lê bi vîneke xurt li ber xwe dida û bi sebreke bê sînor ev êþên han radigirtin. Ew Eyûbê kurdan bû û ne xema wî bû madem armanc bilind e. Wî jî bi wî mirovê Babilî re digot:
”Ne xwedayê min bi hawara min ve hat, û ne jî destê min girt
Ne xwedaya min dilê wê bi min þewitî û ne jî bi min re bi rê ket.
Gorna min li benda min bû û cenaza min amade bûbû
Hîna berî ez bimrim girî li ser min rawestiya.
Riwê mirovê zikêþ geþ bû gava ko mirina min bihîst.
Lê roja ko dê li ser malbata min re bê, ez nas dikim
Gava ko xwedanê rojê hevalên min bi dilovaniya xwe biparêze”. (ez dê pesnê xwedayê hikmetê bidim..Helbesteke Babilî).
Gorbihuþt jî bawer bû ko roja azadiyê dê her hilbe, loma jî êsîrî, xizanî û nexweþî radigirt û nedihiþt ko lê xuya bike ji bo ko hêviyên derdora xwe sist û lawaz neke..
Mamê hêja bavê Ednan, ew tovê ko te çand wê her û her þîn bibe û ber bide û kurdperwerî, canfîdayî, mirovperwerî û kurdîtiya teyî resen dê her û her ji me re finda ronîkirina rêça me be..
Çavên teyî þil roja ko min xatir ji te xwestin û berê xwe da xerîbiyê qet ji bîra min naçin, û ew kêliyên hêja ko min bi te re derbas kirin û axaftin û þîretên te dê tim di hiþ û dilê min de bimînin..

Bila serê miletê Kurd sax be..