HELBESTA HEVBEŞ

HER HELBESTVANEK DIKARE BI DEH RÊZAN ANGO MALIKAN BEŞDAR BIBE. DEH MALIKÊN XWE BINIVÎSÎNE Û JI BOYÎ ROJAVAYÊ BIŞÎNE:

rojava@rojava.net

Siwarê ji mijê yê awirên te bûm,

Xweşmêrê te yê  ji helkehelka tavsorkê,

Ji westana rûpelên evînA te berbi evîna te ve diçûm,

li ber dergehên asê yên sirûda derengmayî

û di gavên te de rojçêbûna xwe

û rojmirina gulên destên te bûm.

jinên reşgirêdayî yên ji bendemana bendemanê,

lîlandinên xwe dikujin

û rexên xwe ji dilê xwe davêjin

û berbi raz û sosretên xwe ve wenda dibin.

berdewam bike!!

Ji keserên kîjan sirûdê, xurcezîna te,

Li kambaxiya henasa destjixweberdayî,

kulavên êşa me himbêz dikin!?

Li qozîmijên rengê zimanê te,

sîyeşevên tevna toza kaniya beriya tu bêyî

di çavên min de vehûnan.

Reviya giyanê qozeqerên xemila birîna te,

Straneke biçûk, berê xwe didiyê, çi dibêje?

Darçinar e, payîza belgên te, di tarîewrên siberên xwe de vedike.

Weha xwewindakirin, li xewnexelekên birîna min dialî.

berdewam bike!!
 

Mendehoş, xirecira derengmayî di awirên te de dişewite
gerînokên hesretê, lawaziya îskeîskan,
lavelava waqîna kundan dinehwirînin
pêlên razên te hildiperikin berbejna asoyan
di ahengên serxwer de noq dibin peyv
ew tilîşopên hîn neşuştî li bedena sar
di bendîxaneya bîranînan de te dipên
û ev ez namîne ez
perçeyekî dîl im ji dengvedana sirûda seremergê
bêalî, li aliyên te pêl didim

berdewam bike!!

HEVGIRTINA REWŞENBÎRÊN KURDÊN ROJAVA LI DERVE