Tu dizanî

 Hafizê Şîrazî

Kurdmancî: Husein Muhammed

Ey bayê bextiyar yê berspêdeyê!

Peyama min bibe

                        nê tu dizanî

di wê kolanê re herre

            hingê

                        nê tu dizanî.

Tu peyamberê min yên nehînî yî

            li meşa te dinerim

tika ji te dikim

            ne fermanan didim

                        nê tu dizanî.

Bêje

ku ruh di min nemaye

ji bo Xwedê

destê yaqûtî yê saxker

            bide min

                        nê tu dizanî.

Min peyama xwe wa nivîsî

ku xelk tê negihe

dilovan be

peyama min dirist bixwîne

                        nê tu dizanî.

Tîrên awirên te

û ez

            av û yê ji tîna dimire

te ez kirime zindanî

            min bikuje

                        nê tu dizanî.

Ma çawan hêviyên xwe

            bi kemera te ya zêrrîn ve girê dim

nê navtenga te

            nehînî ye

                        nê tu dizanî.

Di vê mijarê de

ferq nake ger bi tirkî yan bi farisî bipeyivî.

Basa evînê

            Hafiz

bi zelalî

            bi zarê xwe bike

                       nê tu dizanî.