|
|
Silav û rêz
Di dema ko em hemû hewcedarî zanebûn û hêza hevûdune ko em bi hêz
tenê li hemberî dujminê xwe derkevin, di dema ko em hemû gerek ji
hevûdu hez bikin, li hevûdu guhdarî bikin û rêza me ji hevûdu re
hebe dako em hemû di vê dema teng û zirav de bi hêz bin li hemberî
dujminê xwe yê rastî, mexabin hin kesan Anîyin şerê bê wate vekirine
û nêçîrê di ava girik de dikin.
Ev demeke ko bangek di malpera Rêkeftin de li dijî Koçka 12 Avdarê
Qamişlo Bajarê Serhildanê, belav bûye. û di wê bangê de hatiye
nivîsandin ko em rêvebirên Koçkê û ez yek ji wan im, ko em wek XAYÎN
bi nav kirine û em bi muxaberatên Sûrî ve girêdayîne û her wisa em
hevalê PKK û PYD ne.
Û careke din wan di malpera xwe de gotareke din weşand, têde hatiye
nivîsandin, ko me wek rêvebirê Koçkê Azad Şêxo xwediyê her du
nivîsandinan tehdîd kiriye û me xwestiye wî bikujin. Û ez behwerim
hûn ji me bêtir zanin we çi daxistiye malpera xwe. Em vê yekê
şermezar dikin di dema ko em Azad Şêxo nas nakin îca emê çilo wî bi
kuştinê tehdîd bikin û xwezî we ev yek bi delîl piştrast kiriba ka
kê ji me ew tehdîd kiriye dako milet ji we bawer kiriba lê hun jî
dizanin ko ev yek ne raste û me kesek tehdîd nekiriye û em nakin jî
û em van karên kirêt û hovane şermezar dikin, belê em şêweyê li
hevûdu guhdarîkirinê didin pêş, ji ber em dizanin ko tenê ev şêwe
dikare me nêzîkî hevûdu bike.
ji bo van herdû berheman min xwest ez E-Mailekê ji wan re bişînim û
çend xalan ji wan re şirove bikim, bo hûn wek rêvebirê malpera
rêkeftin li ser vê yekê birawestin û raman bibin, gelo ev kar başe
an ne başe ?, yan jî diruste an na ?, gelo karê hun dikin dikeve
xizmet û berjewendiya miletê me an na?
1- ji roja pêşî de me diyar kir ko em xortin azad û serbixwe ne, û
em ne hevalê partî û rêxistinan in, lê dema ko em bibînin partiyek
yan jî rêxistinek di kar û xebata xwe de çalake, em destê xwe dixin
destê wan, ji boyî ew kar û xebat roniyê bibîne û em dibin alîkar
jêre, û bi her hal, dema em rêxistinekê bibînin kar nake û ne çalake,
em wê rexne dikin, ta ko hewl bide xwe û kar û xebata xwe bipêşde
bixe û xwe bi demê re bighîne û li gor hêvî û daxwazên milet bin. Ma
kî heye rexne lê nabin?, tenê mirî gunehan nakin, êdî rexne jî li
wan nabin.
2- Ev demek dirêje em kar û xebatê li ser Paltalkê dikin, ko hûn ne
agahdar bin, ez dixwazim çend xaleyan wek nimûne bînim ziman.
a- di dema Serhildana pîroz de, roja 13 Avdarê 2004 êvarî di riya
Koçkê re biryar hate stendin ko beşek ji beşdarên koçkê derbasî
balyozxaneya rêjîma Sûrî li Broksil(Belcîka) bibin, û ta roja îro,
ew Armeya ko li devê deryê balyozxaneyê, ko li ser hatiye nivîsandin,
Balyozxana Komara Erebî a Sûrî di nav destê me de ye .
b- bo birîndarên Serhildana pîroz, me pere dan hev û rêkirin ji boyî
du birîndaran, û niha €3700 li ba me ye ta ko em yekî ji wan
birîndaran bînin Europa, ji ber birîna wî pir zore û malbata wî ne
maldarin û rewşa wan pir nexweşe, û tevgera siyasî a başûrê Rojava
li dor €4000 dan serhev ji bo birîndarên din, û navên birîndaran li
ba mene û jimara telefonên wan, ko hûn vê yekê bawer nakin û
dixwazin vê yekê piştrast û bawer bikin em dikarin jimarên telefonan
bidin we.
c- ji bo salvegera Serhildana pîroz, tevgera kurd ya başûrê Rojava
li 3 welatên Europî li hev nekirin ji bo xwepêşandan û çalakiyên 12
avdarê (Elmanya, Holenda, Belcîka ), di riya Koçkê re, me tevgera
her sê welatan gihand hev û me civînek ji bo wan amede kir, li
bajarê Essen di 20.02.2005, û me tevger gihand hev, û di wê civînê
de, rêxistinên her sê welatan derketin bi biryara ko hemû bi hevre
derkevin xwepêşandana 11.03.
d- vê koçkê bi dehan şevbêrkên wêjeyî, çandî, sîyasî û hunerî ji
gelek nivîskar, siyasetmedar, rojnamevan, hunermend û navdarên kurd
re li dar xistiye.
h- vê koçkê malperên kurdî di dema serhildana pîroz de anîn ba
hevûdu û ew ji Holenda birin Berlin da ko karê ragihandinê di wê
demê de bikin.
3- di nivîsandina yekemîn de ya ko we daxist malpera xwe (www.rekeftin.com)
hate diyar kirin ko ew nivîsandin yan jî ew bang ji hêla beşek ji
rewşenbîran ve hatiye kirin, û ez bahwerim hun jî dizanin ko
rewşenbîr vê yekê nakin û xaleya din ko ez dixwazim diyar bikin;
Hevgirtina rewşenbîrên rojava heye, û navên wan jî di malpera
rewşenbîran de (www.rojava.net) hatiye nivîsandin. Gelo çima navê
yekî ji wan di lîsteya navan de nîne. Ko em vegerin wan kesên ko
navên xwe di lîsteya we de nivîsandine, emê bibînin ko yek ji wan bi
kêmayî di nav hevgirtina rewşenbîran de nîne, li gel ko ez baş
dizanim ko hin rewşenbîrên din jî hene û navên wan di nav endametiya
Hevgirtina Rewşenbîran de nîne. Û ew kesên din di lîsteya banga we
de kes wan nas nake, ko rewşenbîr bin wê her kes wan nas bike, ta bi
xwediyê nivîsê Azad Şêxo, gelo kes wî nas dike ???. gerek merov ji
ber bahwewriyên xwe şerm neke û di pişt perdeyan de karên wisa neke.
min dixwest ez wî nas bikim, ji ber, bi rengekî eşkere em kirine
xayîn û mûxaberat, ji ber vê yekê ji mafê min e ko ez wî bi şêweyekî
rewa û di riyên qanûnî re bikşînim dadgeheke Elmanî(ji ber ez li
Elmanya dijîm), ji ber ev demek dirêje em li Europa ne û em qanûnên
Europî xweş dizanin. Ji wan kesên ko navê xwe tevlî banga we kirine,
me zarokek nas kir, ko temenê wê sal û nîveke, û pirên navan kes wan
nas nake.
4- carek din, di dema serhildana pîroz de, dema rêxistinên kurdî bi
hêzên ewlekariya rêjîma Sûrî re rûniştin û civiyan, ji wan hate
xwestin ko malperên kurdî û Koçkên kurdî gereke bên girtin, û di wê
demê de Koçka 12 Avdarê ya yekemîn bû di paltalkê de, li gor gotinên
serokên rêxistin û partiyên başûrê Rojava.
5- em di demekê dene, ko pêwîste em destê xwe têxin destê hevûdu, û
kar û xebata xwe pêşbixînin, û ev nivîsê bi vî rengî her kes dizane
ko milet ji hev dixîne, ji bo vê yekê ez hêvîdarim ko hun van herdû
nivîsan ji malpera xwe rakin.
6- ko nerînên we li dijî vê yekê hebin, li dujî koçka me hebin,
Koçka me amede ye ko em di nav milet de û di koçkê de vê mijarê
vekin û bi şêweyekî demuqrat li hevûdu guhdarî bikin, û li bîr û
behweryên we guhdarî bikin.
7- Em dizanin hun jî wek PYD ji şûnmayên PKK ne, lê hun li dujî wan
in, ev jî qedera meye, lê ma gunehê me çiye hun me bi agirê wan
bişewitînin. Wek ko di bang û nivîsên ko di bin navê Azad Şêxo de
belav bûne. Ko yek ji birêvebiran piştgirê PYD be nayê wê wateyê ko
em hemû endam û piştgirên PYD ne.
8- diyare navên di lîsteya banga wan de ya ko di malpera
rekeftin.com de belav bûye, hemû endam û piştgirên partiya
Rêkeftinin.
9- Ê ko kar bike helbet dê şaşiyan bike, êdî wê rexne bibe, û hun jî
dizanim ko ne em û ne kesek ji me nikare tevaya milet razî û li dor
xwe kom bike, em jî şaş dibin û rexne dibin, lê ya dirust ko em bi
bêbextî hevûdu tawanbar nekin, ji ber ev xizmeta dujmin dike. Ma hun
şaş û rexne nabin, lê ne bi şêweyê we merov pirsgirêkan çareser
dike.
10- xwezî bang û nivîsên we bi kurdiya şêrîn bana dako dujmin bi
kêmanî agahdar neba û bi me û kirêtiya me kurda nekeniya. We kêfa
dujmin li me anî.
Dema ez ne bi te re bim, û ne di partiya te de bim, nayê wê wateyê
ko ez xayîn û li dujî te me.
Li dawî ez ji we bi hêvîme ko hun bi van karan cudahiyê nexînin nav
xwe û miletê xwe, û nebin sedema pêşerojeke bê hêvî û karin kirêt.
careke din jî spas bo kar û xebata we ya pîroz, her û her em
birane.. û serkeftin ji boyî kar û xebata we ya ji bo kurdayetiyê.
bijî kurd û kurdistan.
Rêvebirê Koçka 12 Avdarê Qamişlo Bajarê Serhildanê.
Rehmê Mele Alî
07/05/2005
|
|
