Başûrname

Mîna ko her damarek xwînê dixwaze û tev bi hev re dil av didin, bi salaye ko parçeyên welatê me bêriya hev dikin û ji dûrî û nediyariyê dinalin.Dijmin pir in.Sînor dirêj û bi têl in.Lê evîn,ew evîn e …birîn ew birîn e û ta roja ku sînor rabin,rastiya ku bi çar aliyan hatiye birîndarkirin were hişê xwe , bila name çîrokên xatirxwestin û bêrîkirinê ji Kurdên bi sînoran xeniqandî re bibêjin .Ji başûrê ko berev rastiya xwe ve diçe , çend nameyên mehane ji bendewarên nûçeyên hêvî û xêrê re dişinin.

Besam Mistefa
 

Agirê sînemeya Amûdê hêjî geş e!

Besam Mistefa

Zêdetirî 40 salan di ser agirê sînemeya Amûdê re bihurîn, bi sedan zarokên Kurd ko, paşeroja wan ji wan hate dizîn, hatin kuştin, hatin perçiqandin li kêleka Girê Şermolayê di bin axa ku ji asîmanê tawanbaran paqijtir û pîroztir e, dirêjkirî ne. Dilên dayikên wan ev 40 sal in mîna ku bi agirê sê dojehan bin, têne sotin: kezeb şewitîn, laş bûne ardûman û bîn bi ser Amûdê ket, bîna kizirandin û kîna bêhempa! Şermolayê ji hingê ve bêdeng li laşên piçûk temaşe dike û ji xwe re dibêje: Ew çi dil bûn ên ku dikaribûn van dilên piçûk di nav êgir de bisojînin?!
 

Hevpeyivîn bi Ebdilxaliq Sersam re

Hevpeyivîner: Besam Mistefa

Dema min rahişte çenteyê xwe û min berê xwe da mala dîroknas û helbestvan û wênekêşê Kurd Ebdilxaliq Sersam, tevlîheviyeke mezin ez dagîr kirim; ji ber ku kesê ku ez dê biçûma nik û hevpeyivîn pê re kiriba, ne kesatiyeke normal e. Di zaroktiyê de wênekêşî bikaranî û têkiliya wî bi xêz û rengan re hebû, duvre berê xwe da helbestê angu des bi kêşana wêneyan kir.