Ji çavên kildayî

Gefan li dilê min dixwin

Dema ku bijanên tarî

Li rûyê heyvê

Tîr û kevanên xwe kişandin

Di şevên sawgirtî de

Li teşiya xewnên min

Bê deng û reng

Hatin pêçan

Û deştên beyarên şevê

Ranînan teng dikir

Deştên beyarên şevê

Ji kanîkên çavan

Temenekî nû av didan

Û nema li dûv

Tavên payizî

Û berfa havînê

Koçeriya xwe saz dikir

Tenê dizanî

Tîbûn bi aramiyê

Têlên xwe dişkînin

Hawara xewnê

Di bin paniya

Evîndarekî de

Kanîkên Zemzemî

Li sînga şevê der dike

Û hemû welatiyên tî

Pê mejiyên xwe dişon

Kanîkên rondikan

Li xewneke berbangî

Hêvîyên xwe dikizirandin

Û di nav pêlên awiran de

Fetisîn .

11. 01. 05