|
Gav bi
navê te,
ken bi kenê te,
rûbar bi rûndikan diherike
Buhişt e, bejna te,
gulavek rêvingiya wê me
Meyxane ye lêvên te
Bi tenê meyxwurê wê me
Seyran e dêmên te
buharan ez lê me
Şêrîn in çavên
te
Qurbana xwedê me
Yar, jîn baxê evîn e,
Pelek li payîza wê me
Seyr e! Bê te yekî dî me
Seyr e!
Çima? jarê dostê şevê me
Jê dûrî, lawê xemê me
Li ba wê jî xerîbê wê me
bê war namînim, mal ew cihê lê me
li ku bim; tenê yarê wê me,
Êvar û berbanga dîn e,
Ez jî xewna kewê me
Tu kî yî?
Nebêje heyva şevê me,
da nebêjim ez kurê kê me
Tu bikenî dil hêlîn e
dem dirêj e, temen kêm e,
Seyr e..!
tu li ku bî,
çawa bî, kî bî?
hertim ji bo te ez tême.
18/2/2009
|
