|
Roja berfê ez
çûme nav bistan
Mindî çûkekî
reşî toretan
Ez pêr xeber
didam çend
xeberê kurt
Ji ber çi te
çiya berda tu
hatiye vir
Wa çûkê minî
reşî toretan
Îro tu hatî ji
welatê kurdistan
Ma ji ber çi te
pazda û tu revî
Te berdan rihêl
û dar û devî
Te berdan çiya û
bax û bistan
Tû hatî vê
beriya bê av û
bê nan
Te hiştin gul û
rîhan û sinbil
Tu hatî vê çola
bi quncir û bi
gilgil
Li vir nîne ji
tere ne cih û ne
ware
Tu na hewê ji
zarok û ji mara
Dîsa bifre here
bi çeng û bazan
Zû bêne ji mire
hewalê kurdan
Xwe bighêne serê
çiyayê dara
Ka kurd şer
dikin di gel
neyara
Ma tu newêrê bi
çê ji tirsê
kurdan
Kurdan girtine
çiya û deşt û
zozan
Ma ji ber tirkan
tu bûye mihacir
Ji ber tirkan te
bazdaye tu
hatiye vir
Ez hatime bidme
te xelat û
mizgîn
Şorşa kurda ji
Enqera gihaye
Mêrdîn
Kurd bûne wekî
agirê sor
Wê kurdisatn
bistênin bi
kotek û zor
Li hemî cihan
bûye şer û
kuştin
Saxbûn ji
tirkanre ewan ne
hiştin
Ji kurdanre
kesek nîne tu
hember
Wextê ku bihevre
hemî herne şer
Mi ji teyrikê
xwe di kir çend
lava
Tu ji bo hatê ji
çiyakê Mava
Erê teyrikê minê
bilbilî reşola
Tu ji bo çi cih
berda tu hatiye
çola
Rabe here tor û
sîpan û arara
Ji mire bêne
hewalê dijmin û
neyara
Here Qerijdax û
çiyakê Mava
Guhdarî xwe be
tu nekevê tu
dava
Rabe here ji
vêderê tu fired
Silavê min bide
şehîdê kurda
Lê bi xwere tu
bêne baqek
sorgul
Dêne li ser
birînê min evê
kul
Mizgîn min li te
xemgînê xanî
Sor gul û gulzar
min ji bo te anî
Ez çûme sîpan û
erarat
Li tirkan bûye
zindan nezarat
Kurd va xebat
dikin şev û roj
Cih ji
dijminanre kirin
wekî doj
Dîsa bifre here
Wan û bedlîs
Ka ehlê wê
kurdin yan
tirkên iblîs
Ji wir here Zaxo
û Berzan
Peymanê bide
şehîdê kurda
Bêje Xemgînê
dikêt li we
silavan
Em tola we na
hêlin li bawan
|
