|
Silav!
Min navê
sernivisa xwe bi
awayekî giştî
nivisî ji ber ku
li gor şêweya
nivisandinê
divabû weha be..
Ya rast ez vê
daxuyaniyê ji bo
xizm û hevalên
xwe didim û
herweha kesên
din.. Ji ber ku
min pêwistî bi
guhertina navê
xwe dît û
herweha min
guhert ez vê
daxuyaniyê didim.
Nav, xalek ji
nasnameya mirov
e, xalek ji
ziman e,
Nasnameya kes bi
xwe ye. Ew kesê
xwediyê navê xwe
berpirsyar e di
ber navê xwe
de, her tiştê
baş û yê ne baş
kiribe. Ez
berpirsyariya
navê xwe yê
kevin û yê nû
dikim û amade me
ku her pirsa
were
bibersivînim. Ez
bawer im tenê em
weku Kurd me ev
probleema ha
heye. Ji dema ku
Misilman ( Umerê
kurê Xettab)
ketine
Kurdistanê
problemên bi vî
rengî derketin
pêşiya Kurdan.
Herweha ji
sedsalî vir de,
ji alî Tirkan
ve ev kêşeya han
derketiye asteke
hîn girîngtir û
wek amurek bo
asimilasyonê
hatiye bikaranin.
Di sala 1937 an
de Tirkan bi
qanûnekê navên
Kurdan navê cî û
warên Kurdan
guhertin, li gor
wê qanûnê navên
nû bi kotek û
zorê dane mirov
û cî û warên
Kurdan.
Ji ber van
sedeman navên
Ereban û navên
Tirkan ketin
jiyana Kurdan.
Dema min
dibistana
seretayî dixwend,
(mamosteyên ku
taybet ji bo
Kurdistanê
hatibûn perwerde
kirin)!
Nedihiştin ku
hevalên me yên
Asûrî/Suryanî
navê xwe bi kar
bînin û navên
Tirki li wan
dikirin. Di wan
deman de weku
kes min her ew
pirs ji xwe
dikir û mixabin
nedikarî
bigihîjim
bersivê. Dema
ku min bersiva
xwe dît min tu
şik nema ku ez
navê xwe yê
resen bikar
neyinim.
Mezinên min navê
kalikê min
Ehmed li min
kirine.
Mixabin navê
Ereban û yê
misilmana ye!.
Ehmed kurê Neco
ye. Dema ku min
dest bi
nivîsandinê kir
weku herkesî
min jî navê xwe
yê resen Ehmedê
Neco bikaranî.
Li
ser vî, navî min
hindek lêkolîn
li ser folklora
Kurdî û wekî din
nivîs li ser
hûner û
hunermendan
nivisîn.
Ev 4 sal in ku
ez weku penaber
li welatekî
Ewrupayê dijîm.
Ev car salên
penaberiyê bo
min peyameke
pirr girîng
hênan.
Tu wek Kurd, tu
wek nav, tu wek
kes ne tu kes î!…
Te nav nîne, te
xak nîne, te
keseyatî nîne,
tu ne mirov î,
tu ne sî yî jî!…
Tu, yan Tirk î,
tu yan Ereb î
weyan Faris î!…
U herweha min
weke Ahmad bi
nav dikirin, ku
ev nav di nav
terroristên Ereb
ku li van
welatan karê ne
baş kirine pirr
derdikeve pêşiya
me.
Ji ber van
sedeman min
pêwistî bi
guhertina navê
xwe dît, ji ber
ku min nexwest
ku mirovên
biyanî min weku
Tirk, Ereb weyan
Faris bibinin,
lewma min navê
xwe danî, Stêr E
Neco.
Hêvîdarim ji
îroj vir de
kesên min
dinasin, min bi
vî navî bi nav
bikin.
(bang bikin).
|
