|
Rojhilat
pirsgirêkên xwe yên bi hezar salan e hîn
çareser nekiriye. Civakên rojhilat bi
şêwayên çavsoriyê pirsgirêkên xwe taloqî
dahatuya xwe dikin. Pirsgirêka Filistîn
û Kurdistanê pirsgirêkên herî berbiçav
yên rojhilat in ku ji du hazar salan
wêdetir in. Heta ev her du pirsgirêk
neyên çareserkirin wê rojhilat rûyekî
rehetî nebîne.
Kujerên Filistîn û Kurdistanê bi her
awayên xwe dişibin hev du. Peres û
Erdogan motika fikir û ramanên wan ji
bingeha kevneperestî û nijadperestiya
rojhilat der tê. Yek jê siyonistê faşist
e ê din islamê faşist e; bingeh û
kirinên faşistiyê xerabî û rijandina
xwîna gelên bindest e. Ez bawer nakim ku
wê tu kes ji şowa Erdoganî ku li Davosê
kir wê yeqîn bike. Şowa Erdoganî
gerîneka ku li Kurdistanê ketiyê bi wê
şowê dixwaze peyamê (mesajê) bide gelê
Kurdistanê û bawermendê gelê kurd ê ku
pê ve girêdayin e. Lê ev hewldana
Erdoganî behûdaye. Gelê kurd ê bawermend
Erdoganî bi teskerê ku li meclisa xwe da
derxistin û şerê ku li Kurdistanê di
dema desthiladariya wî de gurtir û
xedartir û kûrtir kiriye wî nas dike.
Heger ku ne xapandine bila pirsgirêka li
welatê xwe çareser bike şûnde bila
bibeze Peres Erdogan mûtaaleya herî
mezin bila bi xwe re bike û bila bi
nefsa xwe re bixeyide. Ma di kîjan dînî
de rojên cejnê kuştin û ceng hatine
helalkirin. Ku Erdogan di rojên cejnên
pîroz de bimbeyên ku li cîhanê hatine
qedexekirin bi ser gelê Kurdistanê de
dibarîne û erdnîgariya Kurdistanê dike
dojeh.
Ma ew ne Erdogan e? Ku kuştina zarok û
jinên kurdan li Amedê mubah dibîne.
Ma ew ne Erdogan e? Teskera kujeriyê di
meclisên xwe re derbas dike.
Ma ew ne Erdogan e? Ku fetwa kuştuna
gelê kurd dide.
Ma ew ne Erdogan e? Ku karê zalimiyê li
gelê kurd dike û daw û doza zalimiyê li
hinî din dike.
Ma ew ne Erdogan e? Ku zor û zilmê li
gelê Kurdistanê dike û xwe mazlûm
dihesibîne.
Ma ew ne Erdogan e? Ku li Colemêrgê li
hemberî objektîfên cîhanê ku milê
zarokên kurd dişikîne.
Ma ew ne Erdogan e? Ku dayikên di cejna
newrozê de li erdê rast dike û bi botin
û jopan li nava guhên wan dide.
Ma ew ne Erdogan e? Ku salên milyar
dolaran dide cihûyan.
Ma ê ku teyarên Herona ku ji cihûyan
dikire ne Erdogan e?
Ma ew ne Erdogan e? Ku zarokên kurd di
serada bişavtinê re dibuhurîne.
Ma ew ne Erdogan e? Ku daw û doza
terikandina axa bav û kalê kurdan li wan
dike.
Ma ew ne Erdogan e ku dibêje ya tê ji
min hez bikî an tê wê derê biterikînî.
Ma ew ne Erdogan e? Piştî çalakiyên
kujeriyê ku qatilan pîroz dike.
Ma ew ne Erdogan e? Ku înkara qewmekî bi
deh hezar salan dike.
Ma ew ne Erdogan e? Ku Serokê Gelê Kurd
di zîndanê de cezayê bê ûsuliyê lê
dibire.
Ma ew ne Erdogan e? Ku ji Peres bi hezar
qat caran li gelê Kurdistanê zalimiyan
dike.
Bêfêde ye birêz Erdogan tu di hawinê de
hawê durûtî. Tu şowa jî bikî tu reqs û
dîlanê jî bikî te şûşa dilê gelê kurd
şikandiye lehimkirina wê şûşê bêfêde ye.
Ne tu û ne tu kesên din wê nema karibin
gelê kurd bixapînin. Ji ber ku gelê kurd
bi hebûna xwe bi nasnameyên xwe yên
jorîn û jêrîn teva hesiyaye. Gelê kurd
daw û doza hebûna xwe dike. Jixwe heta
niha ku ji we bihata we yê zûde qira
gelê kurd bianiya. Gelek bi qirbûnê û
kuştinê naqede. Ji ber ku kurd miletekî
qedîmin bişavtina we jî wê bi kêrî tu
tiştekî neyê. Mîna kanala TV ya we.
Jixwe ew kanal jî we ne bi dilê xwe an
bi xêra bavê xwe vekiriye. Gelê kurd jî
baş têdigihîje ku ew kanal bi bedela çi
hatiye vekirin. Bibîne bi çi awayî Peres
di nava xwîna gelê filistîniyan de bitir
û gewî bûye. Hûn jî di nava xwîna gelê
Kurdistanê de gewî bûne. Şowa Davosê wê
tu bandorê li gelê Kurdistanê neke. Ew
zebitandin û peritandina wê we ji
zalimiya we xelas neke. Peres ku çi
zalim e tu jî yekî jê xerabtir e. Heger
ku ne xapandine peymanên ku hatine
imzekirin hûn çima bi zaliman re
berdewam dikin. Peyman bi imza têne
peyitandin an têne betalkirin. Birêz
Erdogan fermo peymanên ku bi yahudiyan
re hatine imzekirin ji bo betalkirina
wan aşkere bike û di daxuyaniyekê de
deklere bike. Ji bo ku şowa te derewîn
dernekeve. Lê tu ne li dijî zalimiya te
çav bera rayê gelê kurdê mazlûm daye. Ji
bo ku tu karibî xwe li ser piya bihêlî û
xwe ji gerîneka Kurdistanê xelas bike te
şowa Davosê kir. Tu û Peres xenca (cîlve)
li hev dikin.
Çavkanî:
www.welat.com
|
