nizanim
çi ne wateyên nepen
ku pê vebêjim bîra dil ji çavên te re?
nizanim çi ne rengên razemendiya te
ku pê nîgar bikim dirbên jivana me?
nizanim çi ne melhemên dilan
ku pê nerm bikim reqiya dilê te?
nizanim çi ne alavên ragirtinê
ku ragirim dilê girgîn dûrî te?
nizanim li kû ne sinên efsûna te
ku lê bibim bazê sira te?
nizanim li kû ne zozanên bedewiya te
ku vexwim ji lîlava çemên te?
nizanim li kû ye lewenda pêjna te
ku pê sermest bibim li ser sîngê berfîn
û bibim beniyê evîna te?
|