|
|
rojava.net 02.05.2005
Royarê Amedî
Evê ku …
hatibû velûkirin
ji sînor û peyvê
Bi asoyine newrozane,
xwe dide ser rojeke ne hilatî
Xaçên wî,
yên ku li bende wî ne,
wî surûdeke bê gewde
bi xwe ve girêdidin
Velûkerê sînor û peyvê,
bi demine,
ku ne hatine jiyandin, re
mat û sermest dibe
Lehîne ji avên xewneke revyaî,
wî bi xwe re,
davêjin rengvedanên neynikên bêdengiyê
Di wan de,
û li wir,
xwe, ji xwe dike,
û dibe bi nasname.
Ji nişkave sînor bûn nêrgiz
Dikarîbû bêhna wan bike
Dikarîbû bi lewendiya wan hestyar bibe
Lê
gava destên xwe dirêj kir,
ku gurzekê ji wan,
ji ewê dilbera ku,
di girtîgeha tiştên wî de dijî,
bike diyarî :
bûn mayin û têlên rêsayîn
Ma dîl,
di navbera wan de ma dîl
Û ma velûkerî ji sînor û peyvê
Lê
nêrgizên wî yên hîn ne çinî,
bi geşdiliya Hanoverê hatin avdan
û di nav gulistana şahane de nişticibûn
Hanover bi geşdilî
bi zemawendên serma
û lewendiya gishtmirovên xwe,
ew pêça
Û bi geşdilî
pincara Zîyosodra danî ber
Ne dikarîbû bixwe
Lê dikarîbû bibîne
Sipas
Asîmaniya ........
peyv û gulistankirina sînoran
|
|
