|
Di dergehê dîroka te deî
Min baca jiyana xwe daî
Û di deryayê Asîmanê
Te de
Gemiya min newqbû.
Sînorê têkveçûna min
Di mûmê bejna te de
Hate biriştin !
û nêrgizên semayê dila
pelên wan
Çilmisîn û tevde dane kuştin !
Di taristana sikakên te
û di bin dilopên
Dîwar û mezrîban de
Giyan ji can
Hate kişandin ..
û dikete nêv bablîsoka
Pût û latên te de !
Stêrkê Asîmanê te
Miç û bell dibûn,
û di kepez û kolanên te de
Sar dirijîn
û winda dibûn
Bêhna pêt û kizorê
Li seranserî cendekê te
|an vedida
û domanê xwe li
Sawîrê te dipê`a
û tîn dida !
Zar û zaravên dilê te
Di hatin gemkirin
û di xewnên reş de
Ji şîr vedibûn!?
Hêlana tevgera cîhanê
Ters gerî
û canê te
Per`e û zîvar zîvarî dikir
û ew bê rawestan
Dihejand.
Pîjên sinora
Dil û canê te dirî dikir
û keleman
Damarên xwe
Kûr
û berjêr berdidan..
Bajarên dilê te
Nav û Zarên wan
Di dane guhertin
û navên biyanî
Çûna wan
Koçê xwe datanîn ..
Perçebûna dilê te
Kînên wan hînik nedikirin
û di tîbûna
xwîn mijîna te de
Peymanên şofînizmê
Li dar dikirin..
Têhna yekîtiya
Dilê te deng jê hat
û awazê wê
Li guhên
Saîsên xaka te
Ne xweş dihat!!
Hêviyên zatokên te yên
Bê semax
Geş dibûn.
Û di asîmanan de
Awaz û Çepikên wan
Stêr nêzî hev dikirin ..
Di dîmahîka
Sohtin û sorbûna te de
Tevna nûjeniyê
Dihate ristin
Û Tekiyan
Xaç û selîb;
û Laleş
Didane hembêz kirin!
Vejîna navê te
Hate jenîn
û saza xêzê sînora
Hate li darxistin
û govenda nûbûnê
Hate gerîn ..
Li ser qeseba sînga te
Hespê neyara
Pîkol kirin
û xewna şeva
“Meydana Çarçira”
Dîtin
û mat pûnijîn ..
Qelsbûna dilê te
Bi dîmahîk dibû
Kêl û zemên wî
Hûrdibûn,
û brîn
Nema axivîn ..
Bijîjkê dilê te
Raporta nûjeniyê
Dida
û hêviyên neyarên te
Bin ax dibûn ..
13 Çirya Pêşî 2003
|
