Sersala te pîroz be Tevgera Kurd ?

Dilê Amûdê

rojava.net- 14.02.2009

Çîrok berdewam e … weke ku jiyan berdewam e çîrok jî berdewam e … hin ji jiyanê koç dikin û hin jî têne jiyanê ( ji dayik dibin ) .

Bi vî awayî jiyan berdewam e… weke çîrokê , belê çîroka me ya konevanî di berdewamiyeke rawestyayî de westiya ye … neçar e , bê gûman sedemên evê arîşeyê hene û çareserî jî jêre  hene ….

Gelo em dikarin sedemên evê arîşeyê bidin bi nasîn û Piştî danasîna sedeman … gelo emê karibin çareseriyê jêre peyda bikin … Eger em evê ramanê bikar bînin .. pêdivêye ku em sedemên xwe bidin nasîn .

Sedemên rawestandina çîroka me ya konevanî pirr in … lê em dikarin hin sedemên bingehîn bidin nasîn … û eger em bikaribin evan sedemên sereke û bingehîn çareser bikin . bêguman emê çîroka xwe ya konevanî ber bi berdewamiyeke rast û durust de bidin .

-          Pêdivêye ku tevgera kurdî hin kar û çalakiyên bi wirc pêkbîne :

-          Guh bidin xortên ciwan û asta wan a çandî pêşbixin

-          Pêkanîna Xelekên çandî bi keç û xortan re

-          Cirîdên çandî di navbera ciwanan de

-          Vekirina Xulên zanstî – çandî

-          Hînkirina ciwana di temenê naşîtî de çawa evî temenî  derbaskin

-          Hînkirina  mafê mirovî demokrasî û pêre erkên ku jê têne xwestin 

lê mixabin pirr caran û pirr kesan jî çi bi nivîsandin û çi bi devikî rû li rû li himberî berpirsyarên tevgera kurdî sedemên alozî û arîşe û têveliyên gûr di navbera wan de dane bi nasîn , lê careke dîtir mixabin  serok û berpirsyarên tevgera me di ser guhê xwe re avêtine û li wan kesan guhdar nekirine û mane di ewê hojîniya xwe de û hempaziya xwe ya bê bayik de dijîn û kar û xebata xwe tev dane dijberiya navxeyî bi mebestên kesayetî hevdû rexin û tune bikin .

Pêdivê ye ku em pirs bikin , ka çareserî çi ye ?:

Çareserî ew e ku serok û berpirsyarên tevgera kurdî  bi hemû hêzên xwe ( Çep – Rast – orte – biçûk – mezin ) kar bikin ji boyî barê xwe yê netewî û berjewendiyê netwa xwe di ser her tiştên dîtir re bigrin bi hevdîtin û hevpeyvînên ramyarî û konevanî dûrî warê rêkxistnî, bêguman hêviya me heye ew ê ku karibin çereseriykê ji çîrokê re deynin ku berjewendiyên xwe yên kesane derbasî hundurê xebatê nekin .  

Dilê Amûdê