|
Ne xem e bi kû ve herê
Te şikand cama pencerê
Roj çû ava çawa vegerê
Te wilo kir sûcê te ye
Tu çi bêjî ne wek te ye
Xewa şeva her tune ye
Rehme li çîrok û civat
Ji destê wa her kêferat
Li dilê min ar û şewat
Li min negire bi dest nayê
Ji kerba te ketim tayê
War nezan e ra lê nayê
Tu yî yara bê soz û bext
Ne nêçîr e hilgirim rext
Bi ciwanî ez kirim şext
Bes e dilê min te êşand
Xwîna canê min tev kişand
Raman ji serî hilweşand
Ji pencerê xem dibarê
Ji birîna dil nikarê
Tarîbûn xewnên êvarê
Ji me re divê gelek zanîn
Tu çi bêjî li min ahîn
Qadera me wilo danîn
Qeder bi destê dê û bav
Bes bişîne ji min re silav
Bere bimrim bê deng û nav
Ser te ji min re çêkirin dav
Tu nabînî dikim lave lav
Ji çavan dibare xunav
Va li dûr im bûme şeyda
Çêdikim helbest û qeyda
Nalîna min tu naxeyida
Dil mişte hemî evîn e
Ji bîr nakim wan civîn e
Rojek ji temen bimîne
Li min negre evîndar im
Tu li warî ez dil jar im
Bi pêjna te her şiyar im
Ev e qeder çawa kirin
Dost yek e û neyar pir in
Ji pencerê hêvî birin
Wek Ferhat û Mem û Zînê
Bûm dildarê te
şevînê
Dinya ji kesîr namînê
Kilîtkin derî û pencer
Bikşînin xwîn û gulya zer
Evîna pêşî nayê der
Ji bîr nabe ava piyal
Reng zêrîn û dengê zelal
Sed ahîn û sed nalenal
Jiyana me her bêbext e
Gunihkar im her li ber te
Sal buhirîn ma ne wext e
Dil negre ji wan gotina
Hin ji te ye hin ji min e
Dinya ye dawî mirin e
Nagrim li te ev e çîrok
Bi barê ji pencerê rok
Bibê rûpelek ji dîrok
Tu dermanê birîna min
Bû dawiya helbesta min
Ev e war û çîroka min
Dûr nekeve herdem tî me
Vek pencarê bi hêvî me
Bê te delal ma ez kî me
dildarismail@hotmail.com
Dem sal 2000
|
