|
"Bes
e!..ev gotinên te li sûka bazirganên pez bê pere
ne. Xelk ji wan gotinan diwerimin, gêj
dibin,jehrî dikevin û diverişin"
Diaxifî û herdu çavên wî wek bizotên êgir
lêhatibûn û mirov digot qey agir ji wan dipeşe!
"Keçê!min hemû hezkirina xwe d ate û dema tu
xuya nedikirî,cîhan li min dibû tofana Nûh!..Min
şev û roj bi diranên xwe yê bê aram dikirin
kirte kirt û ji dengê kirtînê cîran dibezîn
hawara min."
"Min çi ne gotiye,tenê min got, ez li ser riya
xwe tu li ser riya xwe."
"Çi!?Ma nayê bîra te,ez li bin barana sibata dîn
li serê kolana ku bi agirê evîndaran şewitî li
benda te dimam û piştî êrîşa sire du-sê roj
dirêjkirî dimam û pakêtên çixaran ji ber min
bazdidan û bi dengê kuxika ji kûrahiya şikefta
min derdiket,bijîşk dihat…Hey bê bext!ji bo
xatirê her du çavên te yê ku niha awirên mar û
dûpişkan vedidin,gelek bejin sipîndar,gelek
pêsîrzozan ji min dûr ketin û di kolanên
biyaniyê de winda bûn.Hey yezdan!ji xwe qet ji
bîra min naçe ku jibo wan her du lêvên te yê wek
du petatên kurmî,bi dehê caran dilê dê û bavê
min bûne parçe parçe û niha her parçek ji wan
werîsê sêdarê jibo min amade kirine.Tu jî niha
hatî dibêje;pardun,li min bibore êdî ez nikarim
hezkirina te berdewam bikim,bila ew bîranînên
min û te di pirtûka serpêhatiyan de
bimînin.Keçê!ez di di pirtûka serpêhatiyên bê
bext de b…ma serpêhatî man!?Ne ez wek çiyayê
agirî bilind bûm,niha bûme wek kendalekî
xwelîser û marmarok û cirdên çolan hestên min di
nava xwe de kirine gog(tal,tip)û li ser canê min
yê bûyî,dileyîzin.Hawar,ez bi çolan bikevim?"
Ahîn sere xwe nizim kiribû û rondik bûbûn hevalê
wê nizim kirinê.Lê Dilbirîn serê wê rakir û bi
dengek bilind qîrî
"Beseeee!hew van rondikên timsahan bibarîne.Ne
xezeb ji te dibare û xezeba te bûye zebaniyê
kuştina dilê min .Keçê ma te çi zû soza me jibîr
kir?
"Bê dengî"
"Lêvsora min, çima tu bê dengî(!?).Lê
nexeme,bila dilê min jî li welatê ku evîn lê tê
firotin bibe rêwî.Ji ber ku her qolincek zayîna
evîneke nû ye.."
"Dilbirîn,li min bibore,ez evîna te me…"
"Derew!derewçînê ev bû çend car…?Lê biçe evan
gotinên xwe bifroşe xortekî din ku kakilê evîna
te ya bêhn pêketî nasneke,da di kolana sêvên te
yê tirş de maya derewîn serxweş bibe.Çara nema
,êdî wêneya te di bin lingê min de dike xişe xiş
û navê te wek taviya biharê hat û çû…here bê
bext,here ezê tûrikê xwe yê dagirtî ji peyvên
bihuştî bidim pişta xwe û li evîneke sipî ku
navê bê bextiyê nasnake bigerim,da çîroka
tolhildana dil dubare nebe.
demhatderiki@hotmail.com
|
