|
Agir!
Agir! Agir!
Pêbikeve,
hilbibe, gur bibe, pêl bi pêl
Di welatê
tariyê de belav bibe, zeft bike,
bifetsîne bikuje wê paytexta bê dadiyê
agir!
Hemû
sînoran, dîwaran û qedexeyan bişewtîne,
û ala xwe di dilê tarîstanê de biçikîne.
Tu despêkî
agir!
Tu duhoyî
agir!
Tu îroyî
agir!
Tu pîrozî
agir!
Jiyan bi te
çav vekir, xudayan li ber te serî
diçemand û hawara xwe dighandin hêza te
agir!
Tu hezkirnî
agir!
Tu evînî
agir!
Tu raza vê
axiyî agir!
Tu sonda
Zerdeşt û xwe şûştina ji gunehanî agir!
Tu li virî,
di nava me de
Tu li wirî
her di nava me de
Geh nêzîk û
geh dûr
Lê tu navê
me yî.
Em ji te
çêbûn
Ji te hatin
û bi te li welatê min newroz geş dibin,
bi te cejna vejîn û jînê me di dilê xwe
de nû dikin.
Li vî
welatî
Li ser vê
erdê
Her
çirîskeke te
Her pêteke
te
Helbesteke,
Çîrokeke,
Destaneke,
Axîneke,nalîneke,şahiyeke,govendeke agir!
Li vî
welatî agir
Tu sirûda
zarokên sînema amûdêyî
Tu navê
Mezlûmanî.
De pêbikeve,
gurbibe, hilbibe agir!
Wê seqemê
bişkîne, wê berfê bihelîne
Û xwe li
dora welatê min bibêçe agir!
Hooo agiro,
va dayika min hevîr kiriye,
Zarok dikin
girî
Rondik
diherikin
Strana
birçîbûnê dibêjin
De ka sêla
dayê sor bike
Nanê jiyanê
bibêje agir!
De were
agir
Me di
hembêza xwe de hilgire
Me di
dergûşa xwe de bihejîne
Me bibe
bilind bibe,
Û bi ser
neyarên me û nava me hilbibe,hêrs bibe
agir!
Û jibîr
neke,bibêje ez hebûn û nebûnim, her
tiştim agir!
demhatderiki@hotmail.com
|
