Hevgirtina Rewşenbîrên Kurdên Rojava li Derve çalakiyên xwe berdewamdike

H.R.K.R.D tabloyekê diyarî belediya bajarê Delft ê holendî dike

Delft-Holenda, 12.11.2004

Di çarçewa çalakiyên xwe de, Hevgritina Rewşenbîrên  Kurd ên Rojava li Derve (H.R.K.R.D) roja  Inê 12.11.2004 li jêr duruşma“Ji Amûdê ta bi Qamişloyê şewat berdewam in“ çalakiyeke hunerî û wêjeyî li bajarê Delft ê holendî li dar xist.

 

Çalakiyê bi rawestandina bêhneke bêdeng ser giyanê şehîdên Kurd û Kurdistanê dest pê kir. Piştre serokê H.R.K.R.D,
Zagrosê Haco li ser armanc

 û karê rêxistinê axifî.

Hunermendê şêwekar Fûad Gemo beşdarên çalakiyê bi şehadeta xwe derbarê şewata Sînema Amûdê bi êş, azar û
wendakirina 280 zarokên kurd ên goriyên şewatê dan naskirin.

Hunermend Fûad Gemo herweha tabloya ku herdu hunermendan Reşîd Hiso û Rehîmo hevbeş nîgar kiribûn

 ji beşdaran re pêşkêş kir.
Tabloya bi navê “ Dîmenin ji Şewatê“ bi navê herdû hunermendan û bi navê H.R.K.R.D hate diyarîkirin bo belediya
bajarê Delft ê holendî. Belediya bajêr jî ji hêla xwe ve dilxweşiya xwe bo vê diyariyê eşkere kir.

 

 

Dr. Seededin Mele wekû şahidekî din ê Şewata Sînema Amûdê bi şehadet û bîranînên xwe derbarê şewatê agehdariyên berfireh û hûr
gihand beşdaran. Çimkî Dr. Mele nikarîbû bi xwe beşdar bibe, Qado Şêrîn gotara wî ji beşdaran re xwend.

 Rojnamevan 

Ebdilbaqî Huseynî hevkarê 

helbestvanê oxirkirî 

Ferhadê Çelebî ku berî çend rojan 

bi encama egereke trafîkê
 ji nav me bar kir, 

li ser jiyan û berhemên helbestvanê 

ciwan û çalak axifî.

Piştre guftûgoyeke balkêş û gelek bi sûd e di navbera Komîteya Kargêr ya H.R.K.R.D û beşdaran de çêbû. Di guftûgoyê de
mercên avakirin û armancên Hevgirtinê hatin destnîşankirin û bi firehî hatin şirovekirin.

Di dawiya guftûgoyê de vehsînekê bo 15 xuleyan dest pê kir.

Hunermendê deng berz û dilovan, hunermend Nûhat bi deng û awazên xwe derbarê Serhildana 12 Adarê û şewata Sînema Amûdê çalakî xemiland.

Piştî guhdarîkirina mûzîkê, beşê helbestxwendinê 

dest pê kir.

Helbestvanan: Axîn Welat, Bêwar Dêrşewî, Ehmedê Neco û Sebrî Silêvanî helbest û têkstên xwe ji beşdaran re pêşkês kirin.
Helbestvan Sebrî Silêvanî herweha hin helbestên  Xelat Ehmed ku wî ji erebî wergerndibûn kurdî, pêşkêş kir.

Bi helbestxwendinê çalakiya H.R.K.R.D ya bajarê Delft ê Holendî bi dawî hat.

 

Komîteya Ragehandinê 

Hevgirtina Rewşenbîrên Kurdên Rojava li Derve