|
Ser ku piraniya nivîskarên
malperên kurdî çi yên bi kurdî û çi yên bi Erebî
ji rojavayê kurdistanê ne , lê di hemî malperan
de tu du nivîsên girêdayî rewşa vî parçî nabînî
çima ?
Gelo sedem çiye ?
Rewşenbîr û nivîskarên xwe
serbixwe nasdikin û yên xwe alîgirên siyasî jî
.. tev jî giraniyê nadin derdora xwe , gelo qey
pirsgirêkên vê civakê nînin ta li ser rawestin ?
ma yê nivîskar ne gereke ji dora xwe , civaka
xwe û rewşa heyî despê bike ? gelo ma ( lêv ne
ji dinanan pêştirin ? ) .
Ger yek bixwaze rastiya heyî
nîşan bike , û babetan binivîse û biweşîne ,
têra nivîskarên cîhanê tevayî mijar hene di vî
parçê bextreş û bê şens de , hima bila yek
dakeve kolanê , û bi çavê nirxandinê hêviyên
şewitî di çavên xelkê de bibîne , wê bizanibe
çiqas bobelat û kambaxî bi sere vê civakê de
hatine , xwezî bi hejzemîna ! xwezî bi şape û
lehiyan ! xwezî bi meydanên şer û cengan ! bi
rastî rewşa gelê me , û ya hatî serî ji ya wan
teva zehmetire , hema bi kêmanî xelk bi hewara
cih û welatên bi bobelat ve dibezin , lê ma kî
bi hewara me xwelîseran ve tê ? welatek tê
valekirin , birçîkirin , talankirin û wêrankirin
.. li ber çavê dilnerm û dilşewatên mirovahiyê ,
li ber çavê piştgirên berxwedan û azadiyê , li
ber çavê xwekuştî û dilnazikên aştî û
demuqratiyê .. lê hestê kesekî jî ji rewşa me
terorîstan re na live , û ojdana wan bi tu
gunehan jî nahese .
Gelo emê kengî bi ser xwe ve
werin û pirsgirêkên xwe bi zimanê xwe , bi bîr û
baweriyên xwe ,û ji êşa xwe , şirove bikin û
rayêxin li ser masa birînan ? mane ji berê de
gotine ( kesê mino .. destê mino ) .
|
