Gereke buha
Di buhabûneke xwe retkirî de
Li buhatirîn awa
Li hilbijêrtirîn yad
Li xwe yê winda… yan veşartî !!
Li te
…bi rengekî bêjeyî
... bi taybetiyeke bêdemanî
... bi hindekî ji xwe û ji tiştin din
Bihêviya hin hestin buha
Belkî yek ji me têkeve rewşeke "ser hîstêrî "
Ev tevok…
Çilo hilbijirîne?
Li pîvana xwe digerin
Li buhabûna xwe digerin
Ne buhabûna ez û te dinasin!!
Ne jî bi rengekî parazîtî!!
Şûn li ser tûşan dimîne
Bi nebûnekê re parelel dibin
Di vê pêşniyara ramanî de
Piçekî ji derveyî rêzimaniyê jî
Hin xwerûbûn… hin bêrengî
Bîsk û dîmenin aloz
Danenivîsin ji ayendeyê
Mîna pergerekê di mîtafîzîkê de
Em li tunebûnekê digihîjin hev
Hewla hebûnekêye
Radeyeke dine ji felsefeya hêlan
Ji devereke ko li xwe ranewestiyaye
Baweriyeke rapelikî
Bi dijberiyeke nûjen
Keyskirinin helez ji sîkê re
Jêbirkin ko ji ziman çêdibin
Dev di tabloya zengarbûnê de
Wexer ji gelek tiştan bûye
Buhatirîn bîrname jî
Li ber piyên teye
Rûyê teye
Ez jî di nav de
Ev raz
…ji mêj ve şewitîye.
…………………………………….