|
Şaxa Enstîtuya Kelepûrê Kurdî ya li Dihokê
pêşangeheke wêneyî ya cilên jinan ên Rojavayê
Kurdistanê saz dike ku dê 24-25 hezîranê li
Dihokê li Hola Korbenda Serarim ya Qutabiyan li
dar bikeve. Wêneyên pêşangehê ku 95 heb in, ji
aliyê folklorîst Salih Heydo ve hatine girtin û
deverên Qamişlo, Cizîrê, Amûdê, Dirbêsiyê, Serê
Kaniyê, Dêrika Hemko, Efrîn û Kobanê vedigire.
Wekî din tevahiya nimûneyên cilan bi hemû beş û
endamên xwe ve hatine ravekirin çi wekî nav, çi
erk û çi jî hoz û eşîr. Ev çalakî, ku bi
hevkariya Korbenda Serarim ya Qutabiyan û
Yekîtiya Afretên Kurdistanê tê sazkirin, biryar
e peyra li bajar û bajarkên din ên başûrê
Kurdistanê jî bê nimandin.
 Hêjayî
gotinê ye, ev arşîva hanê ku ji sedan wêneyan
pêk tê, di pêş da dê wekî pirtûk bê belavkirin.
Cihê bîrxistinê ye, folklorîst û şaîr Salih
Heydo ku di sala 1956an da li Amûdê ji dayîk
bûye, heta niha arşîveke dewlemend û bijare ya
folklora kurdî berhev kiriye ku gelek reng û
babetên folklorê dihewîne.
Enstîtuya Kelepûrê Kurdî ku li Silêmanî, Dihok û
Kerkûkê navendên wê hene, di sala 2003an da li
Silêmanî hate avakirin.
Wê heta niha bi her du şêwezarên kurdî/kurmanciya
jêrîn û jorîn li ser huner, muzîk, folklor û
mêjûya kurd û kurdistanê nêzîkî 70 kitêb belav
kirine. Her weha nêzîkî 15 berhemên muzîkî yên
dengîn û dîmenî belavkirine ku ji muzîka kurdan
pê ve muzîka ereb, turkman, kild û aşûriyan jî
bi xwe ve digire.
Bedirxan Mukriyanî
Bo têkilîdanînê:
Email:
khidihok@yahoo.com /
khi_2003@hotmail.com
www.khi03.comMalper:
|
