Bo canê Selmayê, Ya ku hişt balindeyên Skandinavyayê pepûk bimînin

 Erê dotmam..

Îro ber û latên Omeriya

Matmayî mane..

Çûk û çivîkên Binxetê

Lal mane..

Aso di esmanê Beyrûtê de

Xûz bûye..

Tîrêjên keskesora wê

Bê ronî mane..

Ew kewên dilovan

Li Elmaniyayê

Bi hisreta

Comerdiya te mane..

Û em,

li Skandinavya  tarewgeh

Wek sêwiya

Bê dê, bê xuh

Bê dotmam

Bê omîd mane..

Erê dotmam!

Erê qîza apo

Ji biçûkaniya te

Ta bi roja

Bobelata mezin

Xurist û tabayên wê

Li dijî vîna te bûn

Hesret û xemgînî

Timî hevalcêwîkê te bûn

Erê dotmam!

Gotin ji min re

Nabin rêber

Ku ez pesnê

Wî sincê

Teyî bilind bidim..

 Erê dotmam!

Ez nizanim ,

Çima van salan

Mehreşkê

   Meha Şibatê

Bo me kurdan

Bûye meha xedar

Par li Kurdistanê

Karasat bû ser serê

Selma Cizîrî

Û îsal vaye

Selma Huseynî

Weke gulekê

Ji nav me diçilmise..

Erê dotmam..

Gotin , rondik

Ew wek baranê jî

Bibarin

Nikarin îro-ro

Axa gora te

Şilbikin..

De razê dotmam

Razê..

Û bila vê carê

Mehrebanê jorî

Ji nûv re

Li wî riwê

Wek kevokekê

Binere..

Û bêje..

Min di jiyana te de

Kêmasî kir

Lê îro, ezê

Li axretê

Buhuştê bikim

Warê te..

Erê dotmam!

Em jî

Ji Yezdanê banî

Lava dikin

Ku buhuşt

Warê te be..

Ku buhuşt

Warê te be..