|
Di dawiyê de û
berî cejna
Qurbanê Artêşa
Tirkiyê bi
balafiran
baragehên Hêzên
parastina gel û
gundên başûrê
Kurdistanê
bombardûman
kirin û di encam
de 5 gerîlayan û
hin jinên kurd
li başûrê
kurdistanê
jiyana xwe ji
dest dan û pir
malên kurdan
hatin
hilweşandin.Tirkiya
di vê demê de
dîn û har bûye,
ji ber pir
destkeftiyên
Kurdan çêbûne û
bi taybet li
başûrê
Kurdistanê û
fîdralîzma
Komara Îraqê û
wekî din
destkeftiyjinên
Kurd. Ev êrîş ne
ji ber xwe ve
hat, lê Emerîka
lempeya kesk ji
Tirkan re vêxist
û destûr da wan.
û destkeftiyên
kurd li bakurê
Kurdisanê wekî
partiya DTP û bi
cîhbûna nunerên
Kurd di
parlemanê
Tirkiyê de û
pêşkeftina hêzên
parastina gel di
bin rêberiya
partiya karkerê
Kurdistanê PKK
de . Dibê ku
bibê pirs
çimaTirkiyê bi
hevqas hovitî
Şerê gelê kurd
dike û navê kurd
pesend nake?
ne tenê li çar
perçeyên
Kurdistanê, lê
her wisa li çar
aliyên Cîhanê!
ji ber di serên
Generalên Tirk
de û
desthilatdarên
wê de hebûna
Kurd wekî
tunebûna xwe
dibînin û wisa
jî gelê xwe dane
perwerdekirin.
li gorî mercên
heyî wisa
hişyariyeke
neteweyî ji
partî, sazî,
nivîskar û
rewşenbîrên kurd
li her çar
perçeyên
Kurdistanê tê
xwestin ku rê li
pêşiya her tiştê
ku hestê
neteweyî sist
dike bigrin û
kêfa dijminê
kurdan hew bînin.
Dijminê gelê
kurd, tevî
nakokiyên xwe,
li ser doza
kurdî ya rewa
dibine yek û
hemû hewldanan
bi hev re dikin
ta ku doza kurd
di nava xwe de
binpêbikin û
hêviyên Kurdan
wekî her carê
ber avêtî bikin.
Tirkiya îroj
vedirşe ji ber
hemû hewldan
kirin, ku
nakokiyan di nav
bera kurdan de
çêke û wana bi
hev re bide şer
kirin û berê
tivingên wayî
pîroz li hember
hev bi kar bîne,
lê ev yek li
gorî xwetekên
dijmin
pêknehat.ji xwe
pir cihê
kêfxweşiyê bû ji
boyî gelê kurd
li her derê ku
rêzdar Mesûd
Berzanî serokê
herêma kudistanê
pesend nekir ko
navê terrorê li
PKK ê bike û got
em dikarin bibne
alîgir bi
desthilatdarên
tirk re ji boyî
çareserkirina
doza kurd bi
şêwazekî
aşîtyane, vê
yekê pir hêz û
moral da kurdan
û li hember jî
dijmin gef dan.
dibê ku tiştên
hatin kirin li
başûr û pê dilê
kurdan xemgîn bû,
lê bi giştî ta
niha helwest
başe, ji ber
kurd û bi taybet
rêberên gelê
kurd û yên ku
cihê hêviyê ne
ji boyî kurdan
têde gihane ku
dijmin û hêzên
desthilatdar ji
kurdên hezkiriyê
doz û gelê xwe
heznakin.
Îroj hestên
netewî û
kurdewariyê di
kesayetiya xebat
kar, gerîla û
pêşmergeyên kurd
de berz dibe, û
her wiha rêberên
kurd rolên
dîrokî dilîzin.
çiqas îroj ew
çiyayên
kurdistanê bi
bejin û bala
xort û keçên
kurd bedew dibin
û ji kurdan re
dibine cihê
sefirazî û
şehnaziyê. ewin
neviyên Qazî,
Mele Mistefa,
Şex Seîd, Seyid
Riza , Mehmûd
Elhefîd, Simko....dozê
ji nû ve zindî
dikin û ala
hebûnê li ser
çiya, deşt û
zananên
kurdistanê
hildidin.
tevî hemû
paşverûtiya
Cîhanê, lê gelê
kurd bi keda xwe,
bi xwîna ciwanên
xwe hemû
perdeyên tarî
diçirînin û
çerxa felekê
dizîvirînin.
hewcedariya
kurdan ji nan û
avê bêhtir bi
hevgirtineke
netweweyî heye û
sitrateciyeke
dem dirêj ku
şerê bira kujiyê
bibe xêzeke sor.
wê demê dijminê
kurd nema
dikarin doza
kurd têkbibin.
wê hino hino
xwestekên gelê
kurd pêkbên.
Hege her kesek
bercewendiyên
kurdewariyê bide
pêşiya
bercewendiyên
kesayetî, wê
çaxê ji xwe ve
doz bi giyan û
zindî dibe û
dijminê kurd
nema dikarin
mîna berê vî
giyanî bikujin.
dijmin naxwaze
kurd ji hev
hezbikin û êşên
xwe bi hev re
parvebikin û ta
dawiyê rêça
pêşveçûn û
zanistiyê li
pêşiya kurdan
digrin û moralê
kurdan xerab
dikin. wisa jî
ji kurdan kar û
xebateke bi
zanistî tê
xwestin û bi
taybet partiyên
kurd yên sereke
û xwedan hêz ku
gelê kurd di
cihoka netewî re
bimeşînin û bi
rêvebibin û vî
gelî bi zanistî
ji kelem û
xefkên dijminan
rêzgar bikin.
Hemû gelan
qurbanî dan ta
ku rêzgar bûn û
cihên xwe di
nava refên
merovatiyê de
girtin, lê bi
rastî dijminên
wan miletan ne
mîna yê gelê
kurde, dijminê
me di her waran
de hovin û
mentelîteya ne
baş ji boyî
kurdan û hemû
pêşveçûnan heye,
dijminê Xwezayê,
xak, ol, Erd û
Ezmanin...lê her
tişt wekî xwe
namîne û cîhan
jî hino hino tê
guhertin û çavên
gelê kurd vebûye
ku dikare rewşa
cîhanê bixwîne û
li gorî serdema
nû tev bigere.
Azer OsÎ
19.12.2007
|
