|
“Ji bo xifşa xwe li reya min
xist”
“ me dîlan dikir, EW tije bû ji
dilikên pembe
ruyê WÊ geş bû, pirr bû ji
tiştên zemawengê û ez hê di zikê wê de bûm ,
dengê
mûzîka Mozart dihat û min
dîlan dikir
min hestdikir ku hê ew li
vire?!
û diya min ya ku wê diya min
be li gel me bû…Jîn Musa- Burg 12.10.07 “
- Ji diwarê temenê te yaseminen
xewnên min diwerin ,
- civikên baranê bi civciva
dilopên xwe camên cavên min dinikilinin,
ez kor
dibin di şilbûna baskên xewna van perran de!
- Kulîlkekê li ber avê destê min
guvaşt
gulava te ji tiliyên min kesk
herikî..
- gulekê xwe rakêşa
bêhnvedana te henasa min bêhn
çikand..
- Tu xweşike..
Evîndar te ji dilê hev
direvînin
- Tu dikeve.!
Gumîna maçakê ji dilê te tê..
- Derya fireh dibe
Gemî ber bi mirinê ve diçe…
Gumelerze xwevedigire canê min
di keysanîna nîşana evînê de
şîşa dilê min diqerime,
betadibin nêçîr di evînê de..
li qiraxa jiyanê
Gemî ber bi mirinê ve rût
dibe.!?
- weke ku zengilê tirsekê be,
weke ku çirîna ketina te di
bîra min keve!?
nizanim di vê kêlîka bêdeng de
di vê êvara westiyayî de
Nizanim!?
tu min têşîne bi derdên ku tu
ji dilekî din re dibêje.
û balgeha min tije tirsexewn
dibe!?
û çîroka çûyînê bi mitêlê re
parvedike..
- baskên kê ne..
çivîkên kîjan mirinê ye
xewna te dihejîne û evînê di
nîverojê de di nîvxewnê de
li bin cenge te dixe!?
Mirî tên
Mirî dixurijin,bi carekê re,
Mirî dikevin livîn a min…
- li paş xwe meyzeneke
histuyê xwe pir nezîvirîne
û çavên xwe bi pencereya mala
me ve girêne de
bi hêvîya destek malavahiyê
libabike
di kolana li jêr belkona me
gavên xwe hêdî naveje
lê dergehê malê li piştê
bihêle
wê serdanvanên me bên
bera bikêfa dilê xwe mirî
derbasbibin
bera bi kêfa dilê xwe
nobedarîya guldanka te ya ku gulên canê min tê
de hişkbûne bikin
berî mirinekê
piştî mirinekê
di mirinekê de….
- dîmenê te yê şil di reşika
çavê min de
filmekî mijgirtî ye
xirecira bîranînên te
anîşkan li parsûyên min dixin
ev êşa ha!?
û ” ez bi ser birînên xwe
venabim”
gul di bin xunavê de dilerizin
cavên te bi kutkutan diçin
r..a.. z..a..n..ê
hêstirên te..
têra şûştina çavên min nakin
bixurtî tu dibare xewna min
baran pencereya hişê min ji
xewnê vediciniqîn!?
Tirs..
Tirs jî ji xwedê derbasbû ye.
Dojeha te şîne..
û find li ser mezê lavijan
hilor dike
- sibehe mîna her roj
ez Qahwê dikelînim
bêhna tilîyên te difûre
ez fincan a te dişom
destê te di bin avê de dibe
sûlav,
li ser belkonê bi vexwarina
qahwê re
li beramber min roj li ser
kursiya ku tu lê rûdinişt hiltê
û dûyê cixarê di ber min de
dîmîne
- havîne
berxikek xwe davêje siya
mexelê jêr memikên te
germe..
çav di rewewka laşê te yî
xwêdangirtî de şaşdibe
û ava bîra negala Saraê ji
qeşa jî hêniktire
qiçîna nîro ye
pirêze zere
serêbêndera zere
gulgenim zere
agir zere
camên pencereyan ji dervede..
ji hundir de tu di di xwe de
dikele!?
- ne pira baskên wî têra
xweragirtinê dikin
û ne ba wî dixîne
dinavbera du hêlîna de…
xwdê li ezman dimîne.
- Porê te pêlan, li derya reş,li
beravan dide
û beha mirinê ji masiyên
destên te, behna masîyên nîvkuştî ji kulmên te
dişemitin
Tu biberfirehiya ava xwe di
gola min werdibe, evîn di ser re diçe û jîyan di
peşkên mirinê de
şil dibe…
Çavên te yên şîn deryayê
vedixwin
Çavên te ronîya min vedixwin
Çavên te min vedimirînin
Çavên te ji lêvên berxekê
hartirin
Guhanê çavnerîna min
zûhadikin?!
Evê nîvşevê …
pêlên xewnên min gumînê ji
qiraxên xewa te tînin
gerînoka bêrîkirinê hizra te
dadiqurtîne
û hesret, li giravê, gora
mirîyan diêşîne!?
û derya nikare te ji xwîna min
û min bişo!?
Bi sibeherê..
weke rojê derkeve, ser belkona
beramber peravê
da siya min li perav, min li
hêviya te ragire!?
Tê çawa pira xwedê ya dûdirêj
derbaske!?
ezê çawa di pira xwedê
wernebim?
û xwe li te ragirim.
- îroj bû!?
iştî îro bi rojan bû
min perîkekî neama di nav
pirtûka xwe de dît,
ev 12 salin lêdigerîyam!?
bi ser jibîrkirinê venabim!
- her tişt weke berê ye
divê ez dilê xwe ta bi qata 5
an hilgirim..
divê ez maçên rojane li ser
pêpilkan bihejmêrim
divê ez terqîna dilketinekê ji
dergehê malê bînim
divê ez bipejirînim ku ezê te
li ber dergeh li pêşîya xwe nebînim
û divê ku ez amade bim ku
herdeh tilîyê xwe gezbike
ku destê bi hemî gulan ve
êrîşî hatina min nekin
divê…
divê…
divê…
lê gulên li ser mêzê dilê min
ji hev bir!?
- keftelefta balafirgehê
wekê ku tê nû bê , berî 5
salan
lê gul ne di destê min de ne
destê te yê 5 salî xwe û gulên
min diyarî jineke din dike!?
- Gulên ku di kolan a me de ji
te de ketin
Pash salekê serê xwe di
pencereya me re derxistin.
23.09.07 veger Berlin
cavê min heyvek ba di ewrê rûyê
te re derbs bi ba..
wê rondik ne barana zivistana
ber awirên sarbana!?
- Destê min bi meya ji tilîyên
te ,ku bi ser destikê dergeh de herikî
serxweşkirin di ser
şiyatokbûn a kilîtê re,
serxweş dibin!
- pîpîkên çavên min vegera du
çîçekan dipên.
reng di çavnerîna min de
dînbûn..!! û perpitîn …
- li ser pira xwedê
xwe ji nişka ve li pêşîya min
xist.
û min bi ser min de anîxwar….!
- me dîlan dikir, diya min tije
bû ji dilikên pembe
ruyê dayika min geş bû, pirr
bû ji tiştên zemawengê û ez hê di zikê wê de bûm
, dengê
mûzîka Mozart dihat û min
dîlan dikir
min hestdikir ku hê ew li
vire?!
û diya min ya ku wê diya min
be li gel me bû…
Jîn Musa- Burg 12.10.07
- Pira xwedê ji vir û ha de ye!?
ji maça li min derbasbûyî de
ye…
- dibe ku maç li min çûbin ?
ez te di mirçînê de dihêlim
û lêvên pembe li ser
girnijîna te dihêlim,li ser kenê te,nazdariyên
te…
û li ser maça te.
- ez hê li ser pira xwedê me
maçan belavdikim
maçên te,tu ya ku bi maçan
çû mirinê û maçê…!?
û ez şipya mam li ser pira
xwedê
- dîsa destek li xewna min ket!
û tu ji milê min ketexwar
weke poşmanîyê,
tu bi dû min ma!
- Ezê porê qerçiyan ji sorbûn a
van kolanan re berdim
û ezê rengheneyîyê ji
xaçirikên destê xwe re bihêlim
û gulîyên te ji ser dilê xwe
re.
- Çavên te yên germ dikarin baş
tevgera li jêr balkonê sarbikin
lê pelûla di dilê te de li
ber diserveçûnê re ye!
- Pira xwedê ji vir û ha de
ye!
û te ez dabezandim, bi
zora xwedê, ji serê rê de têwerbûneke ji ketina
rengê kenê te.
- her dever tarîye..
ma dilkorek ronîya mirina
min nabîbe?
her dever tarîye
ma xetîreyek ji bona xwedê xwe
ji ezmanê te berna de.
her dever tarîye
Ma sterkek na çirise..
Ma
Ma mama te bi dawî na be?
- îstegeha te ya dawî ji
balefirgehê destpêdike û bi dawî na be ev rê..
li wir li serê rê min dil li
evînekê pêça …û me xakek ne dît ku binaxbikin !
lewra me tu li azmanan bergor
kir û çavê xwe bi stêrkan ve girêda…
û li şûna te xetîre hatinxwar…
li peyhev bûn pir, bûn pira
xwedê ya ku ji vir û ha de ye…
Pira tirsê
Pira lerzê
Pira kapûsên nîvê şevê
Pira te ya ku ez li ser pişta
wê şipya dihilim!?
ne bi dawî dibe, ne ez
têdiperim..!
wisa nivkuştî jiyan dixile…
- sernişîv bêyî ha ji xwe ke di
baranê de werdibe!?
di dengê xwe de dengvedana
tirsa şerekî bê xwîn.. derbasdibe û ranaweste…
di êşa qolincên paş zayîna
mirî de dimre û …
- taya xwedayekî melûl û
keftelefta mirineke erzane…
li ber dergehê dojeke bê agir
û buhişteke xapînok..!
- ez ji pira xwe filitîm
û tu li pêşiya min maaa..tu
pira xwedê!!!
- Berf li sipîbûna te digere û
yasemîn xwe radikêşin lepikên destên min yê sipî,
berf kêla te û destên min
dinixumîne..
û gewrbûn ji birîna darbesta
te diherike.
- Em bi hev re barîyan
berf a te ez veneşartim!?
û baran a min tu newerivand..
me bi gijlokê girte ser
deryayeke dûredest…
- Tu werivî…
gewrbûn a te çemê evîndaran
dieserebir
lêmişta yasemînan li peravên
livîn a min kombûn!?
- Barîn a te ezmanê min ji
stêrkan valakir.
- xwe li evê evînê nexe?!
bisekine..
bisekin..keçê.b..i..s..e-kin.
xwe lê nexe..
Ma tu ji çiyan bilindtire?!
- qirdikê mirinê
di nîvê şeva sersalê de
bi yek birûskê qurpînê ji
xewna min tîne
û Canê dîsa vediciniqe!?
- de
da em bixijiqînekê xwe bavêjin
ewê çayxana ha..
û bi qahweyekê –dibe- ku em
evê qirayê biwerivînin.
- nehinguve min.
wê destên te jî vemirin?
- ez ji zu ve ji xwedê xeyidî
me??
xifşekê xwe li reya min
xist,li ser pira wî û te werbu.
|
