|
Te bi tenê nahêlim
Xelat Ehmed
Wêne: Reşîd Hiso
 di
şînahiya niyazên sibehê de
ez û tu
ji axê şîn dibin
xumîna deryaya hezar salan e
hîn di canê min de pêl dide
bê nav ji tariyê vediqetim
hêdî hêdî
bi ser rojê de xwar dibim
kavilê tirsa nebedî
ji bin piyê xwe berdidim
destê xwe bi serê pêtê ve tînim
bi îska axê re
ji bayê dirijim.
li wir dimînim
di guhê xwe de
ji xwe re dibêjim
ez ne li wir im.
di xew de bi mirinê re diçim
û sibe
di şînahiya niyazên sibehê de
ez û tu
ji axê şîn dibin
xumîna deryaya hezar salan e
hîn di canê min de pêl dide
bênav ji tariyê vediqetim
hêdî hêdî
bi ser rojê de ……
……………
………
……
|
