|
Tengezarê
Marînî
Her careke ku daxwaz li Tirkiya tê kirin, ku rêz li mafê mirovan bê
girtin, an jî pîvanên Kopenhagenê pêkbîne, an jî her tiştekî bi
çarenûsa vî welatî ve girêdayî be, daku berbi xweşiyê ve here, berê
xwe dide kurdan û mehanekê ji xwe re çêdike û demê ji xwe re distîne
û hemî gunehên xwe berbi kurdan ve dibe û dixwaze nerasterast bibêje
civta navnetewî û bi taybetî yekîtiya civatên Europayî, ez dixwazim
bikim û lê ev „ terorîst ên kurd“ dixwazin welat xerabikin. Bi her
awayî dixwaze her dezgeheke kurdî hebe nehêle, lewra li vir û wir
dikeve bo astengan bixe pêşiya dezgehên kurdî û bi taybetî ew
dezgehên ragihandinê ku karên dewleta Tirk yên qirêj ji civata
navnetewî re diyar dikin. Ji bilî ku Hacker rêdike malper û toreyên
internêtê yên kurdî, daxwaza daxistina Tv yên kurdî jî dike, ku li
vir behsa RojTV ye.
Her careke ku daxwazeke weha ji hêla dewleta Toranî ve tê guhê min,
peyva nivîsarekî kurd tê bîra min, dema di zindana Amedê de bû „ez
behwer im ( Zeynulabidîn Zinar) bû“, ku li ser devê serdarekî tirk
digot: „ xweska ji dêvla nivîsîn û axaftina peyveke kurdî 10
leşkerên me bihatana kuştin û ew nebuya“
Bi rastî, mirov seyr namîne ku dewleta Turk bi hemî şêweyên
neşaristiyane dixwaze peyva kurdî vemirine û nehêl çirîsk û xewnên
wê dilê me hênik û aram bike. Ji ber li dirêjiya dîrokê ev rêjîm li
dijî kurdan û peyva kurd û Kurdistanê bû, li dij e û wê li dij be.
Mirov dikare çi hêviyê ji wê dewletê û rêjîmên wê bike, ku hîn jî di
wê behweriyê de ne û dibêjin“ Eger welatekî kurdan li başûrê efrîqa
jî çêbibe, em dê li dij bin û baştirîn nimûne, dijbûna wan ji herêma
Kurdistanê re. Kezebê dewlata toranî qetiyaye û xwe dighînin Europa
û emerîka û Israêl, piştî têkiliyên wan di gel YDA têkçû, ku kurd
dixwazin di bin guhê me de, dewleta xwe ava bikin. Tirs ketiye
hinavê wan bi vir de û wir de dikevin.
Wek li destpêkê jî me nivîsî mirov seyr namîne, ku rêjîma Tirkiyê wê
daxwaza girtina RojTV bikin, wek ku berî niha jî dikarîbûn Med û
Mediya TV bigirin. Cihê sersurmanê ye, ku ev welatên ewropî, ku
dibêjin em mafê mirovan diparêzin, azadiya derbirînê divê bê
parastin,
dibin destekê dewleta toranî. Tirsa mirov ew e, ne Krîterên
Kopenhagenê Turkiya biguherînê, belê berovajî Turkiya pîvanên
Kopenhagen li dûv boçûn, behwerî û berjewendiyên xwe biguhurîne.
Ev erîşa li dijî RojTV ji hêla Turkiya ve, divê berpirsên RojTV
sortir bike li ser pêşkêşkirina pirsa kurd bi şêweyekî xurtir û
bikaribe kurdên xwedî bîr û behweriyên cuda amade bike û rê xweş
bike û mirovên di zimanê kurdî jêhatî programan bi rê ve bibin.
Pirsa kurdî çi li bakurê Kurdistanê be û çi li cihên din be, ji
qûnaxa metirsiyanê derketiye, belkî qûnaxa metirsiyana dewletên
dagîrkerên Kurdistanê dest pê kiriye.
Ev karê Turkiya karekî li dijî hemî yasayên mafê mirovan û mafê
azadiya ragihandinê ye û cihê nerehtiya dilê her kurdekî ye û pêdivî
ye li ser hemî asteyan dewlta Turkiya bê reswakirin.
|
