Bi amadebûna damezirînerên şepêla pêşeroj a kurdî ji hemû herêmên kurdî, komcivîna damezirandinê pêkhat û destpêk bi sekneke bêdengî li ser giyanê nemirên kurd û demoqrasiyê bû. Piştre komîteke kargêr hate hilbijartin û pê re jî gengeşeyeke berfireh li darket, li ser rewşa sêyasî sûrî û amûrên danûstandinê bi guhertinên hûndir û herêmê jî, ew guhertinên yên ku di naveroka xwe de paldera damezirandina şepêl bûn, weke çarçoveke sêyasî, rewşenbîrî û civakî, dûrî partiyetê, lê weke amrazeke praktîk be, li ser baweriya bi mavê mirovan û civata sivîl ava bûye. Ji xwe guzîdan û hevdegiye bi xwendina sêyasî ya hemdem ji berpîrikên rewşa sûrî bi giştî re û bi rewşa kurdî bi taybet. Helbet ji bo avakirina fereziyeke kurdî Sûrî ku bikaribe hevjînê bi çarçova xwe yî netewî re bike, ango xebat ji bo peyda kirina dadokeke sêyasî û çandî kurdî bibe, demoqrasî di rahatinên xwe yê hûndir bike û bi xebite ku îdelocîka sêyasî bi dawî bîne. Çimkî herdû xal hiştin ku em bigerin li amrazên bê navendî û îdelocîk be, bo ku em karibin pêlên serbixweyan di şepêleke lîbral bicivînin.
Komcivînê esehî kir ku demoqrasî armanceke navendî ye, di siya wê de dadî û wekheviya mirovan pêk tê û ew weke rêjîmeke sêyasî ava dibe li ser azadiya giştî û hemû berbêj û mafan e, ji xwe naveroka demoqrasiyê ji wekheviyê , dadiyê , homaniya gel û hevguhertina kelîjê ava dibe û bi hebûna demoqrasiyê dewleteke yasa û maf pêk tê, danasînê bi pirnetew , civak, çand û pirnerînan dike û hingî Sûriyê dibe welatek ji hemû hemwelatiyên xwe re, têde hemû sêyastên şovînîstan li ser gelê kurd têne hilanîn û danasîneke detûrî bi hebûna me weke netewa dudyan li Sûrî tête çesipandin, çimkî pirsa kurd li Sûriyê pirseke netewî ye, sêyasî û dîrokî ye û parçeke ji pirsa demoqrasiyê ye, ji ber ku ew e ya girêdaneke babetî di navbera nasnameya netewî Sûrî û binkokên wê û nasnameya netewî kurdî, sêyasî/çandî weke parçeke ji wan binkokan e, dûrî tengnerînan û tengbaweriyan û tunekirina yên cuda çi yê bi netewa xwe an jî bi ramanên xwe.
Bi esehî komcivîn ragihand ku şepêla pêşeroj a kurdî hevrekiye ji xweseriyê re û dixebite bi hemû amûrên aşîtî û demoqrasiyê ve ji bo dawîanîna tagirtina sêyasî û dewlet û civak û veguhestina Sûriyê ji deweleteke parastinî heta dewleteke demoqrat, ji xwe gelek gavên bingehî ji bo vê guhertinê têne xustin, ew jî evin : dawîkirina yasayên awarte û belavkirina azadiya giştî û serbestberdana girtiyê nerînê û vegerandina nasnameya ji destçûyî ji hemwelatiyan re û hirmeta azadiya ferezî û cudakirina ol ji dewletê û esehîkirina çanda lêbûrînê û hevpariyê û pijirandina cudahiyan weke vajiyeke ji fêreya hemwelatiyê ya ko koka dewleta netewî ava dike.
Bi dest xistina karîna fêrbûna hevkêşa sêyasî a pêşeroj pêdeviya derketina ji bin baskên kelîjê dixwaze, çimkî kelîj heta roja îroj ne di bîra wê de ye ku guhertinan bike, tenê li nûbûna xwe ya xweser digere û asta guhertina ku dixwaze bike partiya be'es dijî civatê amade bike. Ev rewş lêkedanek cure di xebatên me divêt, û ji bo ku em rizgariya demoqrat bi destxin divê sûdeyê ji guhertinê cureyî di sêyaseta cîhanê de bikin, nemaze yên di warê azadî û demoqrasiyê, bê ku duyemîna xweseran bibe sînor di ber rêveçûna wê armancê, lewma komcivîn danpêdana hemû amûrên xebata sivîl kir, çi girav bin an jî xwepêşendan bin an jî çi behanên xebatê yên nerxa cada cemawerî bi saw û biryar bike .
Wisa jî komcivîn danpêdana bername û rêjîma hûnder da meşandin piştî guhertinên pêwîst li wan kir û da xuyakirin ku ev herdû bawername lihevhatinên sêyasî ne, her di bin guhertina bûyeran têne guhertin, ji ber ku buyer ew e yê ku helwesta sêyasî tîne holê, lewma hate bicîkirin pêwîstiya stûbarkirina anarjiya gelê kurd ya ku serhildana avdarê yek ji temtêlên wê bû û berdewamiya di cihêna sêyasî de heta pêkanîna dewleta yasa û maf têde doza kurdî pêkhatî be û hemû sêyasetên şovînî helweşiya bin û bi taybet kembera Erebî û projeya erebkirinê û windakirina mafan.
Komcivîn dît ku ew mina komîteke kargêr û vekiriye, wisa jî bi lihevhatin endamên komîta şopandin û sazînê pijirand, ew jî evin : Ahmed musa – Ahmed heyder – Anwer abdo – Rûfend temo – Heybet me'mo – Xelîl husên – Meşal temo – yihya silo – Mihemed resînî – Mistefa xelîl – Mihemed sulêman .
Komcivîn bi dawî bû bi peymangirtina xebatê jib û parastina yekîtiya cudahiyê û çandina rewşenbîriya gengeşeyan û hirmeta yên cuda di baweriyên xwe yî sêyasî de, heta helwesta wî ji şepêl çibe, çimkî şepêl jîwereke vacayî ye baweriyê bi pirnerîn û cîwaziyê dike û her xebatê berdewam dike ji bo hawsing be bi doza gelê xwe û berevedaniyê di ber bike.

Qamişlo 29/5/2005

Şepêla pêşeroj a kurdî li Sûriyê