Evîna min Kurdistan
Mihemed Elî, Efrîn


Tu mûmeke tim vêketî
Tu rojeke bêqam î
Tu di ser kul û kovan re
Hertim bi me diramî
Di jana e‏şqê de
Tu sînga zîz î
Di bêdadiya jiyanê de
Tu hem dê, xwîş‏k û qîz î
Ev hezaran sal in tu zarokên xwe dipêçî
Bo sax û can bin, tu tim li ‏şop û rêç î
Bi te ez serbilind im
Bi te ez tim ‏şad û rind im
…
Pêsîra girî tu yî
Behiya dilên xapandî tu yî
Ava tiyan tu yî
Nanê birçiyan tu yî
Dayîka sêwiyan tu yî
Mala koçberan tu yî
Sîwana germiyan tu yî…
…
Ez çi bêjim ez çi bijmêrim
Bi rastî ez ji te newêrim
Dibe (bex‏în ji te) ez nirxa te bi‏kînim
Wê kêmasî û bêrûmetiyê
Bi ser xwe de bînim…
Tu der wesf û nîgar î
Tu der gihîş‏tin û dîdar î
Tu stêrka puxte li asîman
Tu heyîna awarte li cîhan
Tu bi xwedayê jorîn re bûyî yek
Ev diyarde li ba te tenê û tek
…
Bihar ziwa dibe diçe
Demsal dizîvirin
Her kes niha diç‏e
Kesên wek te namirin!
Ma kengî miriye xweda!
Ma kengî asa bûye cuda!
Ma kengî rê‏ bûye berf
Ma kengî tu bûyî
berdest û wesf…
…
Heke dadî hebe tu yî
Heke nemirin hebe tu yî
Heke xwedê be…
Tu li ser taca zêrîn
Rûniş‏tî yî…