Du helbes
Lava Derwîş


Bêriya te dikim

Bêriya te dikim
û çira evîna te
şevbuhêrkên min
geş dike..
disoje
bi êgir û awirên xweşdivîn
ez bêriya te dikim
û evîna te ji min nagere

Di çarçewa asoyên çavên te..
keştiya hevdîtina me
di firmêzkên min de...
bi rêve diçe..
ez bêriya te dikim
û deqe dibin katjimêr..
dibin roj..
dibin sal
û salên dûrbûnê ..
guleyan li vî dilî dixin..
...............


Landika dûriyê

Evîna min,
di vê dûrbûnê de
xewnên me hatin dinê
û kulîlka evînê
puşkuvî bi hêsrên mişext
Min tu dîtî
dilê min lêda
dilê min herifî
li dûriyê

di landika dûriyê de
evîna min