|
Di 26.10.2005an de, Nivîskar û mafnasê Kurd « Kemal Seyid Qadir »,
ji hêla hêzên ewlekariyê yên hukûmeta kurdistanê, li Erbîl « Helêr
»ê hate girtin û dûvre, di dadgeheke ku 2 saetan dirêj nekir, bi 30
sal zindan hate sizakirin. Wek ku diyar dibe, girtin û dadgehkirin
li ser bingehên bîr û boçûnan hatine kirin.
Girtin, dadgehkirin û sizakirina birêz Kemal Seyid Qadir li dijî
prensîpên giştî yêm mafên mirovan tên û wek çewesandineke dijwar li
ser azadiya hizr, bîr û helewstan tên dîtin.
Em wek Hevgirtina Rewşenbîrên Kurdên Rojava li derve « HRKRD »
dadgehkirin û sizakirina rêzdar « Qadir » wek dadgehkirin û
sizakirina bîr û boçûnan dibînin û hêvî ji destlatdariya kurdistanê
li Erbîl « Hewlêr » ê dikin ku lêvegeryanekê li vê sizaya nedadwer
bike û di bin banê zagonê de û bi prensîpên dadgehkirinên
dadweriyane rahêje doza nivîskar Kemal Seyid Qadir û hemû dozên mîna
doza wî.
Ti carî, em nikarin têbigihîjin ku dadgeheke kurdî, li kurdistana ku
ne ji mêj ve ji stem û zorê azad bûye, wek dadgehên rêjîma diktator
a Îraqê ya berê û li ser bingeh û zagonên wê bigere û sizayan bide.
26.12.2005
Hevgirtina Rewşenbîrên Kurdên Rojava li derve, HRKRD.
Komîteya Ragihandinê
|
