Bi sedê salane ku gelê kurd
zulm û zora dewleta turk dikşîne, turkên
olperest û netewperest û şofen gelê kurd
kirine talane û tu xema wan ji kesî tuneye.
Tevî ku gelê kurd her û her li hember dijmin
sekinîye û tu carî bê deng nemay, lê hesreta
tolhildanê di dilê wî de maye û roj bi roj
bilind bûye .
Tevî zulm û zorê û dagirkirinê jî
netewperestên turkan têra xwe tiji bûne û
zorê li hikûmeta xwe dikin ku êrîşe bibe ser
kurdan.
Li cem wan kurd ne tiştekin û divê werin
perçiqandin, ji ber di nerîna wan de ku ew
gurên bozên û gelê kurd jî rovîye.
Di vê kirîza dawî de sebra şêrên kurdan nema,
şêrên ku bav û dîyên xwe û xwendina xwe û
xweşîya jiyanê tev li dû xwe hisştine û ji
bo rûmet û mafê kurdan li serê çiyan dijîn.
Bi dehên salan wê jiyana zor û zehmet
dikşînin ji bo bidestxistina mafê gelê xwe.
Tevî hemû bangên yekalî ji bo aştîyê, tevî
sebr û aramîya dehên salan dijmin qîma xwe
neanî û şer bire ser wan.
Kela dilê wan rabû û xwestin bêjin : erê em
aştîxwazin lê em ne tirsonekin, em şêrin,
eger win gurin, de ka werin em rê we bidin.
Tevî tang û topên wan, tevî firok û hêza wan
, tevî hejmara wan , tevî pozbilindîya gurên
wan yên boz, şêrên PKK, pêşmergêyên canfîda,
lehengên dilêr, pilingên kurdan, tolhildêrên
gel, şêrên serê çiyan, xwestin ji cîhanê û
turkan re û taybet jî ji gurên ! wan re
bêjin : em şêrin.
Êrîşa şêrên çiyan da xwiya kirin bê gurên
boz! kîne û şêr kîne, şêrên kurdan pozê
netewperestên turkan di erdê dan.
Wê êrîşê dilê gelê kurd rihet kir , bêhna wî
fereh kir, bawerîya wî bi doza wî bilindtir
kir, moralên wî geş kir.
Êrîşa şêran xwiya kir, ku em aştî xwazin ne
şerxwazin, em kanin şer jî bikin û kanin
mafê xwe bi zorê jî bistînin lê em amedene
di rîya diyalogê re pirsgirêka xwe çareser
bikin.
Wek her car gelê kurd û hêzên wî yên siyasî
banga aştîyê kirin û xwestin pirsgirêkê bi
rîya aştîyê re çareser bike, lê dijminên
kurd berê xwe dane şêweyên kevin û bi zimanê
zorê deng dikin.
Bira baş zanibin ku dema şer nemaye lê eger
vê yekê nepejirînin,bira ew û gurên xwe
zanibin ku em şêrin û mafê me nayê xwarin û
wê gelê me nêzîk an dereng mafê xwe bistîne.
27.10.2007
