|
Girtiyê kurd Nesreldîn Ehmê hate veguhestin bo Şamê
Hêzên istixabaratên Sûriyê girtiyê kurd Nesreldîn Ehmê ji Qamişloyê
veguhestin Şamê. Li pey agehdariyên ku ji Qamişlo hatine, beşê
ewlekariya dewletê ku Nesreldîn Ehmê di 17.11 de girtibû, ew berî
çend rojan veguhest beşê lêkolîne li herêma Kefer Sûsê li Şama
paytext. Ev girtîgeh bi beşê 285 jî tê naskirin.
Girtîgeha Kefer Sûsê cihê birêvebertiya giştî ya istixabaratên
Sûriyê ) hêza ewlekariya dewletê( ye.
Ev girtîgeh dikeve başûrê-rojavayê Şamê û cihê nêzîkî 400 girtiyan
tê de heye.
Ji hêleke din ve nûçeyên dawî ji herêmê radighînin ku hêzên cuda yên
ewlekarî û istixbaratên Sûriyê di heftiya buhurî de lêkolîn bi gelek
ciwanên kurd re li Qamişlo kir. Ji bilî lêkolînan hêzên ewlekariyê
êrîş birin ser çend malên kurd û dest bi lêgerîn û terorkirina xelkê
kir.
|
