|
Beriya Barkirinê
Menal
Huseynî
Ew çi alav bûn di navbera me de radibûn ?
Di navbera anuhoya me de û tiketika demmikê,
Di navbera leşkerên min û tevzînokan de,
Di navbera barkirina te û bûriya min de.
Gelo alavine matmayî bûn, an alavine pirsê bûn
?|
yan bihnokên daxwaziya me bûn ?
lê…. te em di nav xalekê û xalan de rêwendayî
kirin.
Ev çi tevlihevî ye,
te gernameya canê min pê nîşan kir
û dê kîjan Yezdan bikaribe ji hişê gewdeyî tune
bike ?
Ez kî me da ez Ehûramezda di helbestê de
bistirêm
û tu kî yî da tu narvîna
min bi comerdî di komara şîniyan de biçînî?
Ez tu bûm ,
lê tu mij bûyî
Ez tu bûm ,
lê tu rewrewk bûyî
Ez tu bûm ,
lê tu şewat bûyî
Ez tu bûm
Ez tu bûm ,
lê
tu ne ez bûm.
21-10-2006
|
