Marwan Othman

Rêbiwarên xweliyê


Rêbiwarên xweliyê
Bi cotin darînî
Zeviyên xewnan dajon
Bi tovên şevan zeviyan
diçînin

Bi seqema zivistanî
rengan dilorînin
Reng
berî ku şewqdar bibin
direvin

Rêbiwarên xweliyê
dibin xwelî
û her tiştî bi xwe vedişêrin


Bo wê

Dem
li ser destan nabe gurzek gul

Esîman
li ser lêvan nabe maç

Dûrî
ji gewdeyê şevê re nabe landik

Tenê...
Xewna min di herdû çavên te de
dibe rondik