Ji dayîka Tirkî, Erebî... axêv re...
Mihemed Elî
 

Ez rûpeleke sipî me
min nemezixîn
Ez aveke palîn im
min neherimîn
Dayê, zimanê hinguvîn
bi ser min de
dagerîn
Ximava zêrîn
bi ser min de
bireşîn
Ez naxwazim
tew
qirêj bibim
Ez naxwazim
di nav miriyên
şovenîst û toranîzmê de
dirêj bibim…
Bide min rengê
Xelatê Sîpanê
Bide min şîna
ava Wanê
bide min
nûbihara
Ehmedê Xanê
Ez dixwazim rengîn bibe
Bi min kurdistan
Ez dixwazim haydar bibe
ji min cîhan
Ez naxwazim têkevim
Rêza xwînmij û dagîrkeran
Ez dixwazim, xwerû, rengîn
Paqij, rewan û pîroz…
Ez dixwazim zimanê
bav û bapîrên me
kurdan…