Berlin 27.02.2007


Piştî beşdarbûna wî ya serkeftî di Berlinale de
Filmê kurdî „Dol“ bo gelek festîvalên navnetewî hate vexwendin


Filmê “Dol” ê derhênerê kurd Hiner Saleem (Hiner Selîm) ku ji 08-18.02 li ser navê herêma Kurdistanê beşdarî festîvala navnetewî ya filman li Berlinê – Berlinale – bûbû, hîn jî bi balkêşî ji hêla rexnegir û festîvalên navnetewî yên sînemayê tê şopandin.

Li gor agahdariyên şîrketa mîtosfilm a elmanî ku hem Co-Produktion û hem jî belavkira Dol e li Elmanyayê, gelek festîvalên navnetewî yên sînemayê Dol vexwendine ku di çarçeweya wan de jî be nîşandan mîna: festîvala filman a Tribeca li USA, festîvala Aşad a navnetewî ya sînema û muzîkê - Israîl, festîvala navnetewî ya filman li Innsbruch –Austuriya, festîvala Karlovy Vary ya filman li komara Çîk, festîvala Bangkok a filman, festîvala navnetewî ya sînemayê – Monterrey (Meksîko), festîvala Montreal a filman – Kanada, 23. festîvala Heyfa ya filman – Israîl, festîvala filman a mafê mirovan li Nürnberg – Elmanya, festîvala London a filman, festîvala filman a mafê mirovan li Sîol – Korya Başûr, festîvala Pesaro Nuovo ya sînemayê – Îtalya, festîvala Tortheim a filman – Norwêcê.

DOL filmeke derbarê perçekirina Kurdistanê û çewisandina nasnameya kurdî ye û ew herî bêtir bingeha nijadperest a sîstema kemalîsmê û tundiya Tirkiyeyê li hemberî kurdan rexne dike. Ev rexnegirtin her ji dîmena destpêkê ve ji temaşevanan re diyar dibe.

Di Dol de gelek lîstikvan û hunermendên kurd ên naskirî rol girtine, mîna: Nazmî KIRIK, Belcim BILGIN, Sipel Dogu Lesar ERDOGAN, Omer CIAW SIN, Rojîn ULKER, Tarik AKREYÎ, Ciwan HACO û Abdullah KESKÎN.











                                                                     

ji bilî nivîsên ku bi navê Hevgirtina rewşenbîran û bi navê malpera rojava. netê
werin weşandin, her nivîskarek berpirsê naveroka nivîsa xwe ye!