Qamişlo/rojava.net: Grûpeke nenas wêneyê şêx Meeşûqê Xiznewî li çend kolanên bajarê Qamişlo, li ser dîwaran xist. Ev çalakî di seetên dawî ên şeva 26.02 pêk hat. Wêne herî bêtir li kolanên Cirnik û Enteriyê hatin dîtin.
Çavkaniyên herêmê ku rojava.net di dema amadekirina vê nûçeyê de bi wan re axifî diyar kirin ku ew vê çalakiyê mîna “bibîranîna şêx Meeşûq û herweha bo protestokirina rêcîmê, bi tayebtî jî anîna hejmarek mezin ji leşkeran û bicihkirina wan di herêma kurdî de, dinirxînin.”

Şêx Meeşûqê Xiznewî di gulana 2005ê de ji hêla hêzên istixbaratên rêcîma Sûriyê ve hatibû revandin. Di 01.06.2005ê de kuştina wî hate eşkere kirin. Şêx Meeşûq wek şêxê şehîdan li rojavayê Kurdistanê tê binavkirin.

Hêjayî gotinê ku rêcîma Sûriyê hejmara hêzên xwe ên leşkerî li herêmên kurdî di heftiyên dawî de pirtir kir.